એશિયા કપ 2022માં ભારત-પાકિસ્તાની મેચ કઇ તારીખે રમાવવાની નક્કી થઇ, સામે આવ્યુ મોટુ અપડેટ, જાણો

એશિયા કપ (Asia Cup 2022) માટે યજમાન શ્રીલંકાની સાથે સાથે ટીમ ઇન્ડિયા, અફઘાનિસ્તાન, પાકિસ્તાન અને બાંગ્લાદેશે પોતાની પોતાની જગ્યા કરી લીધી છે.

ફાઇલ તસવીર

IND vs PAK in Asia Cup 2022: ક્રિકેટ ફેન્સને જલદી જ ભારત અને પાકિસ્તાન (IND vs PAK)ની વચ્ચે ટક્કર જોવા મળી શકે છે. બન્ને ટીમો આગામી એશિયા કપમાં આમને સામને આવી શકે છે, હવે આ મેચને લઇને મોટુ અપડેટ સામે આવ્યુ છે. ઓગસ્ટના અંતમાં આ મહામુકાબલો રમાઇ શકે છે. ખરેખરમાં, આ વર્ષના એશિયા કપ 2022 (Asia Cup 2022)માં રૂપરેખા લગભગ તૈયાર થઇ ગઇ છે. મીડિયા રિપોર્ટ્સ અનુસાર, આ ટૂર્નામેન્ટ શ્રીલંકામાં રમાવવાની લગભગ નક્કી થઇ ગઇ છે, અને શિડ્યૂલ પર પણ વાત પાક્કી થઇ ગઇ છે. 

રિપોર્ટ્સમાં કહેવામાં આવી રહ્યું છે કે BCCI તરફથી શ્રીલંકામાં એશિયા કપના આયોજનને લઇને લીલી ઝંડી આપી દેવામાં આવી છે. આ ટૂર્નામેન્ટ 27 ઓગસ્ટથી 11 સપ્ટેમ્બર સુધી આયોજિત કરવામાં આવશે. 28 ઓગસ્ટે ભારત-પાકિસ્તા મેચ પર સહમતિ બની ગઇ છે. 

28 ઓગસ્ટે રવિવાર છે, આવામાં ભારત-પાકિસ્તાનની ટક્કર માટે બેસ્ટ દિવસ બીજો કોઇ ના હોઇ શકે. એશિયન ક્રિકેટ કાઉન્સિલ બ્રૉડકાસ્ટર્સ અને સ્ટ્રીમિર્સ ઇચ્છ છે કે રજાના આ દિવસનો યોગ્ય ઉપયોગ કરી લેવામાં આવે, ભારત-પાકિસ્તાનની મેચ રવિવારે રાખવાથી વધુ ટીઆરપી અને રેવન્યૂ જનરેટ થવાની આશા છે. 

એશિયા કપ (Asia Cup 2022) માટે યજમાન શ્રીલંકાની સાથે સાથે ટીમ ઇન્ડિયા, અફઘાનિસ્તાન, પાકિસ્તાન અને બાંગ્લાદેશે પોતાની પોતાની જગ્યા કરી લીધી છે. વળી, યુએઇ, નેપાલ, ઓમાન, હોંગકોંગ અને બાકી ટીમોની વચ્ચે ક્વૉલિફાયર મેચ રમાશે. આ મેચો 21 ઓગસ્ટથી શરૂ થવાની વાત કહેવામાં આવી રહી છે. 

આ પણ વાંચો..........