IPL Auction: સચિનના દીકરાને ખરીદવા કઈ ટીમોની છે નજર, જાણો શું છે કારણ

અર્જુને તાજેતરમાં સોશિયલ મીડિયા પર એક ફોટો શેર કર્યો હતો. જેમાં તે મુંબઈની જર્સીમાં જીમમાં પરસેવો પાડતો જોવા મળ્યો હતો.

(તસવીર સૌજન્યઃ ટ્વીટર)

મુંબઈઃ ઈન્ડિયન પ્રીમિયર લીગ (આઈપીએલ) માટે આજે ગુરૂવારે બપારે પછી થનારી હરાજીમાં ઓસ્ટ્રેલિયાના સ્ટીવ સ્મિથ અને ગ્લેન મેક્સવેલની ઊંચી બોલી લાગી શકે છે. સાથે સાથે ભારતના કેટલાક યુવા ક્રિકેટરો પર પણ સૌની નજર છે. જેમાં સચિન તેંડુલકરના પુત્ર અર્જુન તેંડુલકર પર સૌની નજર છે. અર્જુન તેંડુલકરે આ વર્ષે મુસ્તાક અલીએ ટી 20 ટ્રોફીમાં ડેબ્યૂ કર્યું હતું. તેણે એમઆઈજી ક્રિકેટ ક્લબ તરથી રમતાં 31 બોલ પર અણનમ 77 રન બનાવ્યા હતા. ઉપરાંત 3 વિકેટ પણ ઝડપી હતી. અર્જુનની ઓલરાઉન્ડર ક્ષમતાને ધ્યાનમાં રાખી મુંબઈ, ચેન્નઈ, આરસીબી, કોલકાતા સહિતની ટીમો રસ દાખવી શકે છે. અર્જુને તાજેતરમાં સોશિયલ મીડિયા પર એક ફોટો શેર કર્યો હતો. જેમાં તે મુંબઈની જર્સીમાં જીમમાં પરસેવો પાડતો જોવા મળી રહ્યો હતો. આ ફોટો સામે આવ્યા બાદ  ફેન્સે તે આઈપીએલ 2021માં મુંબઈ ઈન્ડિયન્સ તરફથી રમતો જોવા મળશે તેવી અટકળો વહેતી થઈ હતી.