WPL 2025નો કાર્યક્રમ જાહેર, ચાર શહેરોમાં પાંચ ટીમો વચ્ચે રમાશે 22 મેચ

Womens Premier League 2025 Schedule: આ વખતે ટુર્નામેન્ટની પહેલી મેચ ડિફેન્ડિંગ ચેમ્પિયન રોયલ ચેલેન્જર્સ બેંગ્લોર અને ગુજરાત જાયન્ટ્સ વચ્ચે રમાશે

પ્રતિકાત્મક તસવીર

Source : ABP

Womens Premier League 2025 Schedule: ભારતીય ક્રિકેટ કંટ્રોલ બોર્ડ દ્વારા મહિલા પ્રીમિયર લીગ 2025 (WPL 2025) નો કાર્યક્રમ જાહેર કરવામાં આવ્યો હતો. આ ટુર્નામેન્ટ 14 ફેબ્રુઆરીથી શરૂ થશે, જ્યારે ફાઇનલ મેચ 15 માર્ચે રમાશે. આ વખતે ટુર્નામેન્ટ કુલ ચાર શહેરોમાં રમાશે. મહિલા પ્રીમિયર લીગ 2025માં પાંચ ટીમો વચ્ચે કુલ 22 મેચ રમાશે.

4⃣ Cities
5⃣ Teams
2⃣2⃣ Exciting Matches

Here's the #TATAWPL 2025 Schedule 🔽

𝗠𝗮𝗿𝗸 𝗬𝗼𝘂𝗿 𝗖𝗮𝗹𝗲𝗻𝗱𝗮𝗿𝘀 🗓️ pic.twitter.com/WUjGDft30y

— Women's Premier League (WPL) (@wplt20) January 16, 2025

આ વખતે ટુર્નામેન્ટની પહેલી મેચ ડિફેન્ડિંગ ચેમ્પિયન રોયલ ચેલેન્જર્સ બેંગ્લોર અને ગુજરાત જાયન્ટ્સ વચ્ચે રમાશે, જે વડોદરામાં યોજાશે. ફાઇનલ મેચ મુંબઈમાં યોજાશે. ટુર્નામેન્ટ માટેના ચાર શહેરો વડોદરા, મુંબઈ, લખનઉ અને બેંગલુરુ હશે.

ટુર્નામેન્ટની પ્રથમ 6 મેચ બરોડામાં નવા બનેલા BCA સ્ટેડિયમમાં રમાશે. આ પછી ટુર્નામેન્ટ બેંગલુરુ શિફ્ટ થશે, જ્યાં કુલ 8 મેચ રમાશે. આ પછી ટુર્નામેન્ટ લખનઉમાં યોજાશે, જ્યાં 4 મેચ રમાશે. પછી તેના અંતિમ તબક્કામાં ટુર્નામેન્ટ મુંબઈ પહોંચશે. મુંબઈમાં નોકઆઉટ (એલિમિનેટર અને ફાઇનલ) સહિત ચાર મેચ રમાશે.                   

બેંગલુરુમાં પહેલી મેચ મુંબઈ ઇન્ડિયન્સ અને રોયલ ચેલેન્જર્સ બેંગલુરુ વચ્ચે રમાશે. ત્યારબાદ લખનઉમાં પહેલી મેચ યુપી વોરિયર્સ અને ગુજરાત જાયન્ટ્સ વચ્ચે રમાશે. મુંબઈના છેલ્લા તબક્કાની પહેલી મેચ મુંબઈ ઈન્ડિયન્સ અને ગુજરાત જાયન્ટ્સ વચ્ચે રમાશે. ટુર્નામેન્ટની મહત્તમ 8 મેચ બેંગલુરુમાં યોજાશે. ટુર્નામેન્ટની બધી મેચો સિંગલ હેડર હશે, એટલે કે એક દિવસમાં ફક્ત એક જ મેચ રમાશે.     

નોંધનીય છે કે ગયા સીઝન એટલે કે WPL 2024 ની બધી 22 મેચ ફક્ત બે શહેરોમાં રમાઈ હતી, જેમાં બેંગલુરુ અને દિલ્હીનો સમાવેશ થાય છે. આ વખતે ટુર્નામેન્ટનો વ્યાપ વધારવાનો પ્રયાસ કરવામાં આવ્યો છે, જેના કારણે કુલ 4 શહેરોની પસંદગી કરવામાં આવી છે. નોંધનીય છે કે 2023 માં રમાયેલી પહેલી સીઝન મુંબઈમાં ફક્ત બે સ્થળોએ રમાઈ હતી.