World Cup 2023 Tickets: આ તારીખથી ભારત-પાકિસ્તાન મેચ માટે ટિકિટ બુક કરી શકાશે, ICC ટ્વીટ કરીને આપી માહિતી
CWC23 Tickets: વર્લ્ડ કપ 2023માં ટીમ ઈન્ડિયાની પ્રથમ મેચ ઓસ્ટ્રેલિયા સામે છે. ICCએ ટ્વીટ કર્યું કે ચાહકો ટીમ ઈન્ડિયાની મેચોની ટિકિટ ક્યારે બુક કરાવી શકશે.
ICC Cricket World Cup 2023 Tickets: ક્રિકેટ વર્લ્ડ કપ 2023 5 ઓક્ટોબરથી શરૂ થશે. તેની પ્રથમ મેચ ઈંગ્લેન્ડ અને ન્યુઝીલેન્ડ વચ્ચે અમદાવાદમાં રમાશે. તે જ સમયે, ભારતીય ટીમ 8 ઓક્ટોબરે ઓસ્ટ્રેલિયા સામે પ્રથમ મેચ રમશે. ICCએ ટીમ ઈન્ડિયાના ચાહકોને ખુશખબર આપી છે. ICCએ જણાવ્યું કે ટિકિટનું બુકિંગ ક્યારે શરૂ થશે.ભારતીય ટીમની મેચ માટે બુકિંગ 30 ઓગસ્ટથી શરૂ થશે.
વાસ્તવમાં ICCએ એક ટ્વિટ કર્યું છે. જેમાં તેણે ટૂર્નામેન્ટની તમામ મેચોની ટિકિટ બુકિંગ વિશે માહિતી આપી છે. 25મી ઓગસ્ટથી ટિકિટ બુકિંગ શરૂ થશે. ક્રિકેટ ચાહકો 25મી ઓગસ્ટથી ભારત સિવાયની તમામ ટીમોની મેચની ટિકિટ બુક કરાવી શકશે. તે જ સમયે, ભારતની મેચોની ટિકિટ બુકિંગ 30 ઓગસ્ટથી શરૂ થશે. ગુવાહાટી અને ત્રિવેન્દ્રમમાં રમાનારી ટીમ ઈન્ડિયાની મેચ માટે આ દિવસથી ટિકિટ બુક કરી શકાશે.
31 ઓગસ્ટથી, ચાહકો ભારતમાં ચેન્નાઈ, દિલ્હી અને પૂણેમાં યોજાનારી મેચોની ટિકિટ બુક કરી શકશે. આ પછી, 1 સપ્ટેમ્બરથી, તમે ધર્મશાલા, લખનૌ અને મુંબઈમાં મેચ માટે ટિકિટ બુક કરી શકશો. 2 સપ્ટેમ્બરથી બેંગ્લોર અને કોલકાતામાં યોજાનારી મેચોનું બુકિંગ શક્ય બનશે.
3જી સપ્ટેમ્બરથી અમદાવાદમાં યોજાનારી ટીમ ઈન્ડિયાની મેચ માટે ક્રિકેટ ચાહકો ટિકિટ બુક કરશે. ભારત અને પાકિસ્તાન વચ્ચેની મેચ અમદાવાદમાં રમાશે. ચાહકો આ મેચની આતુરતાથી રાહ જોઈ રહ્યા છે. આ પછી 15 સપ્ટેમ્બરથી સેમિફાઇનલ અને ફાઇનલ મેચની ટિકિટ બુકિંગ શરૂ થશે.
Mark your calendars 🗓
— ICC (@ICC) August 10, 2023
The dates for the sale of #CWC23 tickets are out 🤩
Don't forget to check out the updated schedule 👉 https://t.co/vS2aYD0zTk pic.twitter.com/BiZHm6vjLo
મહત્વપૂર્ણ છે કે, ચેન્નાઈમાં પોતાની પ્રથમ મેચ બાદ ટીમ ઈન્ડિયા 11 ઓક્ટોબરે દિલ્હીના મેદાન પર અફઘાનિસ્તાન સામે ટકરાશે. આ પછી 14 ઓક્ટોબરે ભારત અને પાકિસ્તાન વચ્ચે મેચ રમાશે. ભારત અને બાંગ્લાદેશ વચ્ચે 19 ઓક્ટોબરે પુણેમાં મેચ રમાશે. આ પછી ટીમ ઈન્ડિયાની મેચ 22 ઓક્ટોબરે ધર્મશાલામાં અને 29 ઓક્ટોબરે લખનૌમાં રમાશે.
આગામી વનડે વર્લ્ડકપ 2023ને લઇને મોટુ અપડેટ સામે આવ્યુ છે. વનડે વર્લ્ડકપ 2023 આ વર્ષે 5 ઓક્ટોબરથી શરૂ થવાનો છે, અને આનું આયોજન આ વખતે ભારત કરશે. આ ટૂર્નામેન્ટની ફાઈનલ મેચ 19 નવેમ્બરે રમાશે. ઇન્ટરનેશનલ ક્રિકેટ કાઉન્સિલ (ICC) એ હવે આનું નવું શિડ્યૂલ જાહેર કર્યું છે. આ અંતર્ગત ભારત-પાકિસ્તાન મેચ સહિત 9 મેચોમાં ફેરફાર કરવામાં આવ્યા છે. ભારત અને પાકિસ્તાન વચ્ચેની મેચ હવે 15મીને બદલે એક દિવસ પહેલા એટલે કે 14મી ઓક્ટોબરે અમદાવાદના નરેન્દ્ર મોદી ક્રિકેટ સ્ટેડિયમમાં રમાશે. આ સહિત 9 મેચોના શિડ્યૂલમાં ફેરફાર કરવામાં આવ્યા છે.
ટ્રેન્ડિંગ સમાચાર
ટોપ સ્ટોરી
