શોધખોળ કરો

કોમનવેલ્થ ગેમ્સમાં ભારતની આ છોકરીએ ગોલ્ડ મેડલ જીતી રાખ્યો રંગ, જાણો વિગત

Written By : એબીપી અસ્મિતા વેબ ટીમ | Updated at : 05 Apr 2018 12:22 PM (IST)

1/8

સિડનીઃ ભારતની સ્ટાર વેટલિફ્ટર મીરાબાઈ ચાનૂએ 21મા કોમનવેલ્થમાં ભારતને પ્રથમ ગોલ્ડ મેડલ અપાવ્યો છે. ચાનૂએ મહિલાઓના 48 કિલોગ્રામ શ્રેણીમાં રેકોર્ડ વજન ઉઠાવીને ભારતને સુવર્ણ મેડલ અપાવ્યો હતો. સ્નેચ રાઉન્ડમાં પહેલા તેણે 80, બાદમાં 84 અને ત્રીજી વખત 86 કિલો વજન ઉઠાવીને પોતાનો જ જૂનો રેકોર્ડ તોડી નાંખ્યો હતો. 2016માં તે ભારતને ગોલ્ડ મેડલ અપાવી શકી નહોતી. મણિપુરની રહેવાસી સાઈખોમ મીરાબાઈ ચાનૂને તાજેતરમાં જ રાષ્ટ્રપતિ રામનાથ કોવિંદે પદ્મશ્રી એનાયત કર્યો હતો.

2/8

મીરાબાઈએ ગત વર્ષે વર્લ્ડ વેટલિફ્ટિંગ ચેમ્પિયનશિપમાં ગોલ્ડ મેડલ જીત્યો હતો. છેલ્લા 22 વર્ષમાં આવું કારનામું કરનારી પ્રથમ ભારતીય મહિલા બની હતી. તૈયારી માટે ચાનૂ ગત વર્ષે તેની સગી બહેનના લગ્નમાં પણ નહોતી ગઈ.

3/8

4/8

ઓગસ્ટ, 2015માં મીરાબાઈ ચાનૂને રેલવેમાં નોકરી મળી હતી. હાલ તે લામડિંગ ડિવીઝનમાં સીનિયર ટિકિટ કલેકટર છે.

5/8

11 વર્ષે જ મીરાબાઈ અંડર-15 ચેમ્બિયન બની ગઈ હતી અને 17 વર્ષે જૂનિયર ચેમ્પિયન બની હતી. જે કુંજુરાનીને જોઈ ચાનૂએ વેટલિફ્ટર બનવાનું નક્કી કર્યું હતું તેનો જ 12 વર્ષ જૂનો નેશનલ રેકોર્ડ ચાનૂએ 2016માં તોડ્યો હતો.

6/8

રિયો ઓલંપિક બાદ ચાનૂ થોડા સમય માટે ડિપ્રેશનમાં આવી ગઈ હતી. હાર બાદ તે અંદરથી ભાંગી પડી હતી. રિયો ઓલંપિકમાં નિષ્ફળતા બાદ તેણે રમતને અલવિદા કહી દેવાનું નક્કી કરી નાંખ્યું હતું અને જોરદાર વાપસી કરી હતી.

7/8

2007માં જ્યારે તેણે પ્રેક્ટિસ શરૂ કરી ત્યારે પૂરતા સાધનો ન હોવાના કારણે વાંસથી પ્રેક્ટિસ કરતી હતી. મીરાબાઈ ચાનૂએ જ્યારે વેટલિફ્ટિંગની ટ્રેનિંગ શરૂ કરી ત્યારે તેના ઘરની આર્થિક સ્થિતિ સારી નહોતી. આ કારણે તે ડાઇટ ચાર્ટ ફોલો કરી શકતી નથી. તેને જે ડાઇટ ચાર્ટ આપવામાં આવ્યો હતો તેમાં રોજ ચિકન અને દૂધ લેવું જરૂરી હતી, પરંતુ નબળી આર્થિક સ્થિતિના કારણે તે ફોલો નહોતી કરી શકતી. તેથી ઘણા લાંબા સમય સુધી તેણે અપૂરતા પોષણ સાથે વેટલિફ્ટિંગ કરવું પડ્યું, જેની ખરાબ અસર તેની રમત પર પણ પડી હતી.

8/8

8 ઓગસ્ટ, 1994ના રોજ મણિપુરના એક નાના ગામમાં જન્મેલી અને ત્યાં જ ઉછરેલી ચાનૂ બાળપણથી હોશિંયાર હતી. તેનુ ગામ ઇમ્ફાલથી 200 કિમી દૂર હતું અને ત્યાં પાયાની સુવિધાઓ પણ નહોતી. તે સમયે મણિપુરની મહિલા વેટલિફ્ટર કુંજુરાની દેવી સ્ટાર હતી અને એથેન્સ ઓલંપિકમાં ભાગ લેવા ગઈ હતી. કુંજુરાનીમાંથી ચાનૂએ પ્રેરણા લીધી અને વેટલિફ્ટર બનવાનું નક્કી કરી લીધું.