ધોની બાદ દિનેશ કાર્તિકે T-20માં લગાવી અનોખી ફિફ્ટી, જાણો વિગત

દિનેશ કાર્તિક ટી-20 ક્રિકેટમાં 50 સ્ટમ્પિંગ કરનારો ભારતનો બીજો અને વિશ્વનો ચોથો વિકેટકિપર બની ગયો છે. બુધવારે બાંગ્લાદેશ સામેની મેચમાં વોશિંગ્ટન સુંદરની બોલ પર લિટન દાસને સ્ટંપ આઉટ કરીને આ ઉપલબ્ધિ મેળવી હતી.

કોલંબોઃ ટીમ ઈન્ડિયાએ બાંગ્લાદેશને નિદાહાસ ટ્રાઈ સીરિઝની પાંચમી મેચમાં 17 રનથી હાર આપી ફાઇનલમાં સ્થાન મેળવી લીધું છે. આ મેચમાં અનેક હીરો રહ્યા પરંતુ ભારતીય ટીમના વિકેટકિપર દિનેશ કાર્તિકે એક અનોખી સિદ્ધી હાંસલ કરી છે.

ભારતનો ધોની 277 મેચમાં 70 સ્ટંપ સાથે બીજા નંબર પર છે. શ્રીલંકાનો કુમાર સંગાકાર 60 સ્ટંપ સાથે ત્રીજા સ્થાને છે.

ટી-20 ક્રિકેટમાં સૌથી વધારે સ્ટપિંગનો રેકોર્ડ પાકિસ્તાનના કામરાન અકમલના નામે છે. અકમલે 217 ટી-20 મેચમાં 92 સ્ટંપ કર્યા છે.