ભારતે જીત બાદ અફઘાનિસ્તાન સામે બતાવી ‘દરિયાદિલી’, જાણો શું કર્યું....

અફઘાનિસ્તાનની ટીમે પહેલી ઈનિંગમાં 109 તો બીજી ઈનિંગમાં 103 રન બનાવ્યાં હતાં. જ્યારે ભારતની પહેલી ઈનિંગ 474 રને પૂરી થઈ હતી. મેચ પછી જ્યારે ટ્રોફી સાથે ફોટો સેશન કરવાનું થયું તો કેપ્ટન અજિંક્ય રહાણેએ અફઘાનિસ્તાન ટીમને ગ્રુપ ફોટો માટે આમંત્રણ આપ્યું હતું. બન્ને ટીમોએ પોતાના મૈત્રીપૂર્ણ સંબંધોનું ઉદાહરણ આપતાં ગ્રુપ ફોટો કરાવ્યું હતું. સોશિયલ મીડિયા પર પણ રહાણેએ ઉઠાવેલા આ પગલાના વખાણ થઈ રહ્યાં છે.

ટેસ્ટ ક્રિકેટનો દરજ્જો મળ્યા પછી ભારત વિરુદ્ધ અફઘાનિસ્તાને પોતાના ટેસ્ટ કરિયરનો પ્રારંભ કર્યો હતો. પાંચ દિવસના ક્રિકેટનો અનુભવ ન હોવાથી અફઘાનિસ્તાન ટીમની બન્ને ઈનિંગ્સ બે જ સેશનમાં પૂરી થઈ હતી.