એશિયાડઃ હોકીમાં ભારતે પાકિસ્તાનને આપી હાર, જીત્યો બ્રોન્ઝ

ભારતીય ટીમ માટે આકાશદીપ સિંહે ત્રીજી અને હરમનપ્રીતે 50મી મિનિટમાં ગોલ કર્યા હતા. જ્યારે પાકિસ્તાન વતી મોહમ્મદ અતીકે 52મી મિનિટમાં ગોલ કર્યો હતો.

સેમી ફાઇનલમાં ભારતને મલેશિયાએ અને પાકિસ્તાનને જાપાને હરાવ્યું હતું. જેના કારણે આ બંને ટીમોએ કાંસ્ય પદક માટે એકબીજા સામે રમવું પડ્યું હતું. જ્યાં ભારતે બાજી મારી હતી.

જકાર્તાઃ આકાશદીપ સિંહ અને હરમનપ્રીત સિંહના ગોલની મદદથી ભારતીય પુરુષ હોકી ટીમે શનિવારે એશિયાડમાં પાકિસ્તાનને 2-1થી હરાવીને કાંસ્ય પદક જીત્યો હતો. ચાર વર્ષ પહેલા ગોલ્ડ મેડલ જીતનરી ભારતીય ટીમે એશિયન રમતોત્સવમાં ત્રીજી વખત કાંસ્ય પદક જીત્યો છે.