દિલ્હી-પંજાબની મેચમાં બન્યા આ મોટા રેકોર્ડ, પંજાબના નામે નોંધાયો આ એકદમ ખરાબ રેકોર્ડ, જાણો

દિલ્હી તરફથી ઓપનર બેટ્સમેને ડેવિડ વોર્નરે તોફાની બેટિંગ કરતાં 30 બૉલમાં 60 રન અને પૃથ્વી શૉએ પણ વિસ્ફોટક બેટિંગ સાથે 20 બૉલમાં 41 રનની ઇનિંગ રમી હતી. 

(પ્રતિકાત્મક તસવીર)

Delhi Capitals vs Punjab Kings: મુંબઇના બ્રેબૉર્ન મેદાનમાં ગઇકાલે રમાયેલી આઇપીએલ 2022ની 32મી મેચમાં દિલ્હી કેપિટલ્સે પંજાબ કિંગ્સને એકદમ ખરાબ રીતે હરાવી દીધુ. દિલ્હીની આ સિઝનની આ ત્રીજી જીત છે, તો પંજાબની ચોથી હાર છે. પહેલા બેટિંગ કરતા પંજાબની ટીમે 20 ઓવરમાં માત્ર 115 રન બનાવ્યા હતા, જવાબમાં દિલ્હીએ 10.3 ઓવરમાં એક વિકેટ ગુમાવીને ટાર્ગેટને હાંસલ કરી લીધો હતો. 

દિલ્હી તરફથી ઓપનર બેટ્સમેને ડેવિડ વોર્નરે તોફાની બેટિંગ કરતાં 30 બૉલમાં 60 રન અને પૃથ્વી શૉએ પણ વિસ્ફોટક બેટિંગ સાથે 20 બૉલમાં 41 રનની ઇનિંગ રમી હતી. 

દિલ્હીએ પાવરપ્લેમાં બનાવ્યા પોતાના સર્વાધિક રન - 
પંજાબ કિંગ્સ વિરુદ્ધ આ મેચમાં દિલ્હી કેપિટલ્સને પાવરપ્લેમાં એટલે કે શરૂઆતી છ ઓવરોમાં કોઇપણ વિકેટ ગુમાવ્યા વિના 81 રન બનાવ્યા હતા. દિલ્હીનો આ પાવરપ્લેમાં સર્વાધિક સ્કૉર છે. આ પહેલા તેને પાવરપ્લેમાં સૌથી વધુ આરસીબી વિરુદ્ધ 71 રન બનાવ્યા હતા. 

પંજાબ કિંગ્સના નામે નોંધાયો ખરાબ રેકોર્ડ 
ટૉસ હારીને પહેલા બેટિંગ કરવા ઉતરેલી પંજાબની ટીમ માત્ર 115 રન જ બનાવી શકી. આ સિઝનમાં આ કોઇપણ ટીમ માટે લૉએસ્ટ સ્કૉર ટીમ ટૉટલ છે. 

વિકેટોના મામલામાં ડેલ સ્ટેનથી આગળ નીકળ્યો અક્ષર પટેલ 
અક્ષર પટેલે આ મેચમાં ખુબ ધારદાર બૉલિંગ કરી, તેને પોતાની ચાર ઓવરોમાં માત્ર 10 રન આપીને બે વિકેટો ઝડપી. આની સાથે જ અક્ષરે પોતાના આઇપીએલ કેરિયરમાં અત્યાર સુધી 115 મેચોમાં 98 વિકેટો ઝડપી લીધી છે, અને આ બધાની વચ્ચે તેને ડેલ સ્ટેન (97 વિકેટ)ને પાછળ પાડી દીધો છે. 

આ પણ વાંચો.......