IPL 2023 Final: IPL 2023ની ફાઈનલ કોણ જીતશે? : સચિને કરી ભવિષ્યવાણી
જાહેર છે કે, સચિન તેંડુલકરની ટીમ મુંબઈ ઈન્ડિયન્સ ક્વોલિફાયર-2માં ગુજરાત ટાઈટન્સ સામે હારી ગઈ હતી. હવે હાર્દિક પંડ્યા અને ધોનીની ટીમ વચ્ચે ટાઈટલ મેચ અમદાવાદના નરેન્દ્ર મોદી સ્ટેડિયમમાં રમાશે.
Sachin Tendulkar Prediction : મહાન ક્રિકેટર સચિન તેંડુલકરે ચેન્નઈ સુપર કિંગ્સ અને ગુજરાત ટાઇટન્સ વચ્ચેની IPL 2023ની ફાઈનલ પહેલા એક ટ્વિટ કર્યું છે. તેણે આ ટ્વીટમાં શુભમન ગિલના વખાણ કર્યા છે. સાથે જ ક્રિકેટના ભગવાન તરીકે ઓળખાતા સચિને આઈપીએલની ફાઈનલમાં આજે કોણ ચેમ્પિયન બની શકે છે તેને લઈને ભવિષ્યવાણી કરી છે. સચિને કહ્યું છે કે, એ 3 વિકેટ કઈ છે જે ટાઈટલ વિજેતા નક્કી કરશે.
જાહેર છે કે, સચિન તેંડુલકરની ટીમ મુંબઈ ઈન્ડિયન્સ ક્વોલિફાયર-2માં ગુજરાત ટાઈટન્સ સામે હારી ગઈ હતી. હવે હાર્દિક પંડ્યા અને ધોનીની ટીમ વચ્ચે ટાઈટલ મેચ અમદાવાદના નરેન્દ્ર મોદી સ્ટેડિયમમાં રમાશે.
સચિને લખ્યું હતું કે- આ સિઝનમાં શુભમન ગિલનું પ્રદર્શન અવિસ્મરણીય રહ્યું છે. બે શાનદાર સદી સાથે જબરદસ્ત અસર છોડી છે. એક સદીએ મુંબઈ ઈન્ડિયન્સની આશા પર પાણી ફેરવી દીધું, જ્યારે બીજી ફાઈનલમાં લઈ ગઈ. આ ક્રિકેટનો સ્વભાવ છે. શુભમનની બેટિંગ વિશે મને ખરેખર જે વાતે પ્રભાવિત કર્યો તે તેનો અદ્ભુત સ્વભાવ, અતૂટ સ્વસ્થતા, રનની ભૂખ અને વિકેટની વચ્ચે દોડવામાં ચતુરાઈ હતી.
સચિને આગળ લખ્યું - હાઈ સ્કોરિંગ મેચોમાં હંમેશા નિર્ણાયક ક્ષણો હોય છે. 12મી ઓવરથી શુભમનની અસાધારણ દાવએ ગુજરાત ટાઇટન્સને પ્રેરણા આપી. તે સ્કોર્સને આગળ ધપાવવાની અને તેમના પર ઊંડી અસર કરવાની તેમની ક્ષમતાનું પ્રદર્શન હતું. એ જ રીતે, મોહમ્મદ શમીની એક ઓવરમાં તિલક વર્માની 24 રનની તોફાની ઇનિંગે મેચને ખતમ કરી નાખી હતી. સૂર્યકુમાર આઉટ થયો ત્યાં સુધી રમત મુંબઈના પક્ષમાં હતી.
Shubman Gill's performance this season has been nothing short of unforgettable, marked by two centuries that left an indelible impact. One century ignited @mipaltan's hopes, while the other dealt them a crushing blow. Such is the unpredictable nature of cricket!
— Sachin Tendulkar (@sachin_rt) May 28, 2023
What truly… pic.twitter.com/R3VLWQxhoT
ફાઇનલ મેચ વિશે વાત કરતાં તેણે કહ્યું હતું કે, ગુજરાત એક મજબૂત ટીમ છે. ગુજરાત ટાઇટન્સના શુભમન ગિલ, હાર્દિક પંડ્યા અને ડેવિડ મિલરની આ 3 વિકેટ આજે ચેન્નઈ માટે ઘણી મહત્વની રહેશે. ચેન્નઈ બેટિંગમાં ઊંડાણ ધરાવે છે. ધોની 8મા નંબરે આવે છે, તેથી તે એક ટીમ બીજી ટીમને ઓલઆઉટ કરી શકે છે. આ ફાઈનલ જોવાનું રસપ્રદ રહેશે.
IPL 2023: ધોનીનો અનુભવ કે હાર્દિકનો જુસ્સો, ફાઇનલમાં કોણ જીતશે?
નોંધનીય છે કે, શુભમન ગિલની સદીએ વિરાટ કોહલીના નેતૃત્વ હેઠળની રોયલ ચેલેન્જર્સ બેંગ્લોરને ટુર્નામેન્ટમાંથી બહારનો રસ્તો બતાવ્યો હતો, જેમાંથી મુંબઈ ઈન્ડિયન્સ એલિમિનેટર માટે ક્વોલિફાય થઈ હતી. ત્યાર બાદ જ્યારે ક્વોલિફાયર-2માં ગુજરાત અને મુંબઈ વચ્ચે ટક્કર થઈ ત્યારે ગિલની સદીએ મુંબઈનું દિલ તોડી નાખ્યું હતું.
ટોપ સ્ટોરી
ટ્રેન્ડિંગ સમાચાર
