PBKS vs CSK: રાયડુએ લગાવી સિક્સરની હેટ્રિક તો ખૂશીથી ઝૂમી CSK ફેન ગર્લ, રિએક્શન વાયરલ
મુંબઈના વાનખેડે સ્ટેડિયમમાં ચેન્નાઈ સુપર કિંગ્સ (CSK) અને પંજાબ કિંગ્સ (PBKS) વચ્ચેની મેચમાં અંબાતી રાયડુએ સંદીપના સતત ત્રણ બોલમાં સિક્સર ફટકારી હતી.
મુંબઈના વાનખેડે સ્ટેડિયમમાં ચેન્નાઈ સુપર કિંગ્સ (CSK) અને પંજાબ કિંગ્સ (PBKS) વચ્ચેની મેચમાં અંબાતી રાયડુએ સંદીપના સતત ત્રણ બોલમાં સિક્સર ફટકારી હતી. ચેન્નાઈ સુપર કિંગ્સ (CSK)ની ઇનિંગ્સની આ 16મી ઓવર હતી. આ ઓવરમાં રાયડુએ 4 બોલમાં હેટ્રિક સિક્સર સહિત 22 રન બનાવ્યા હતા. ચેન્નાઈ સુપર કિંગ્સ (CSK)ના બેટ્સમેન અંબાતી રાયડુએ હેટ્રિક સિક્સર ફટકાર્યા બાદ ટીમની 'ફેન ગર્લ' ખૂબ જ ખૂશ થઈ ગઈ હતી. ચેન્નાઈ સુપર કિંગ્સ (CSK)ની 'ફેન ગર્લ'નો આ વીડિયો સોશિયલ મીડિયા પર ખૂબ વાયરલ થઈ રહ્યો છે.
પંજાબ કિંગ્સ તરફથી શિખર ધવને 88 રન બનાવ્યા હતા
આ પહેલા પંજાબ કિંગ્સ (PBKS) ની ટીમે પ્રથમ બેટિંગ કરતા ઓપનર શિખર ધવનના 88 રનની મદદથી ચેન્નાઈ સુપર કિંગ્સ (CSK) સામે જીત માટે 188 રનનો ટાર્ગેટ આપ્યો હતો. ધવને પોતાની ઇનિંગ દરમિયાન 9 ફોર અને 2 સિક્સર ફટકારી હતી. આ સિવાય ભાનુકા રાજપક્ષેએ 42 રનનું યોગદાન આપ્યું હતું. તે જ સમયે, ચેન્નાઈ સુપર કિંગ્સ (CSK) માટે મુકેશ ચૌધરીએ 4 ઓવરમાં 36 રન આપીને સૌથી વધુ 4 વિકેટ લીધી હતી. આ સિવાય રવીન્દ્ર જાડેજા, મહેશ તિક્ષણા, પ્રિટોરિયસ અને ડીજે બ્રાવોએ 2-2 વિકેટ લીધી હતી.
CSKની ટીમ પોઈન્ટ ટેબલમાં 9માં નંબર પર છે
જણાવી દઈએ કે પંજાબ કિંગ્સ (PBKS)ની ટીમ અત્યાર સુધી 7 મેચમાં 3 મેચ જીતીને 6 પોઈન્ટ સાથે પોઈન્ટ ટેબલમાં 8માં સ્થાને છે. તે જ સમયે, ચેન્નાઈ સુપર કિંગ્સ (CSK) અત્યાર સુધી 7 મેચમાં 2 મેચ જીતીને પોઈન્ટ ટેબલમાં 9માં નંબર પર છે. જ્યારે હાર્દિક પંડ્યાની આગેવાની હેઠળની ગુજરાત ટાઇટન્સ (GT) અત્યાર સુધી તેની 7 મેચમાંથી 5 જીતીને 12 પોઈન્ટ સાથે પોઈન્ટ ટેબલમાં ટોચ પર છે. રોહિત શર્માની ટીમ મુંબઈ ઈન્ડિયન્સ હજુ પણ પ્રથમ જીતની રાહ જોઈ રહી છે. મુંબઈ ઈન્ડિયન્સ અત્યાર સુધી રમાયેલી તેમની તમામ આઠ મેચ હારી છે. આ રીતે મુંબઈ ઈન્ડિયન્સની ટીમ પોઈન્ટ ટેબલમાં સૌથી નીચે છે.
ટ્રેન્ડિંગ સમાચાર
ટોપ સ્ટોરી
