CWG 2022: આજે રાત્રે કેટલા વાગે થશે કૉમનવેલ્થ ગેમ્સનુ ઉદઘાટન, કયા કલાકારો સ્ટેજ પર આપશે પરફોર્મ્સ, જુઓ પુરેપુરી ડિટેલ્સ.

ન્યૂ વેવ બેન્ડ 'ડુરાન-ડુરાન'થી લઇને હેવી  મેટલ બેન્ડ 'બ્લેક સબાથ'ની જાણીતી ગિટારિસ્ટ ટૉની ઇઓમી પરફોર્મન્સ આપવા જઇ રહી છે.

ફાઇલ તસવીર

Commonwealth Games Opening Ceremony: કૉમનવેલ્થ ગેમ્સ 2022 (Commonwealth Games 2022) આજે (28 જુલાઇ) થી શરૂ થઇ રહી છે. ઇંગ્લેન્ડના બર્મિંઘમના (Birmingham) એલેક્ઝેન્ડર સ્ટેડિયમમા (Alexander Stadium) ધમાકેદાર ઓપનિંગ સેરેમની (Opening Ceremony) ની સાથે આ રમતોની શરૂઆત થશે, આ વખતે કૉમનવેલ્થ ગેમ્સમાં 72 દેશોના 5054 એથ્લેટ ભાગ લઇ રહ્યાં છે. 11 દિવસ સુધી ચાલનારી આ રમતોમાં 20 સ્પૉર્ટ્સની 280 સ્પર્ધા હશે, એટલે કે કુલ 280 ગૉલ્ડ મેડલ દાંવ પર રહેશે.

કૉમનવેલ્થ ગેમ્સની ઓપનિંગ સેરેમની ભારતીય સમયાનુસાર રાત્રે 11.30 વાગ્યાથી શરૂ થશે. અહીં ન્યૂ વેવ બેન્ડ 'ડુરાન-ડુરાન'થી લઇને હેવી  મેટલ બેન્ડ 'બ્લેક સબાથ'ની જાણીતી ગિટારિસ્ટ ટૉની ઇઓમી પરફોર્મન્સ આપવા જઇ રહી છે. ઇઓમી અહીં સેક્સોફૉનિસ્ટ સોવેતો કિન્ચની સાથે વર્ષ 2020ની ફિલ્મ 'ટ્રાયલ ઓફ ધ શિકાગો સેવન'ના લીડ ટ્રેક 'હીયર માય વૉઇસ'ના ટાઇટલની સાથે એક 'ડ્રીમ સિક્વન્સ' રિલીઝ કરશે, આ સેરેમનીમાં વેસ્ટ મિડલેન્ડ્સના 15 ગાયન સમૂહો લગભગ 700 થી વધુ લોકો પણ ભાગ લેશે. 

2000થી વધુ પરફોર્મર બર્મિંઘમ શહેરના ભૂતકાળથી લઇને વર્તમાન સુધીની કહાની પણ કહેશે. આની સાથે જ અહીં ભાગ લઇ રહેલા 72 દેશોના એકબીજા સાથેના સંબંધોને પણ બતાવવામા આવશે. કૉમનવેલ્થ ગેમ્સની આ આખેઆખી ઓપનિંગ સેરેમનીના માસ્ટરમાઇન્ડ જાણીતી ટીવી સીરીઝ 'પિકી બ્લાઇન્ડર્સ'ના ક્રિએટર્સ સ્ટીવન નાઇટ છે. 

કૉમનવેલ્થ ગેમ્સની ઓપનિંગ સેરેમની સોની સ્પૉર્ટ્સ નેટવર્કની અલગ અલગ ચેનલો પર લાઇવ ટેલિકાસ્ટ કરવામાં આવશે. આ સેરેમનીને તમે Sony LIV એપ પરથી પણ જોઇ શકો છો. ડીડી સ્પોર્ટ્સ પણ આ સેરેમનીને લાઇવ બ્રૉડકાસ્ટ કરશે. 

ઓપનિંગ સેરેમનીમાં ભારતીય દળની ધ્વજવાહક પીવી સિન્ધુ હશે, ભારતે આ વખતે કૉમનવેલ્થ ગેમ્સ માટે 215 ખેલાડીઓની ટીમ મોકલી છે. આમાં 108 પુરુષ અને 107 મહિલા ખેલાડી છે. ભારતીય ખેલાડી કૉમનવેલ્થ ગેમ્સની 20 માથી 15 સ્પોર્ટ્સની અલગ અલગ ઇવેન્ટમાં ભાગ લઇ રહ્યાં છે. 

આ પણ વાંચો.........