Mary Kom: મેરી કોમે નિવૃતિના રિપોર્ટ પર આપી સ્પષ્ટતા, કહ્યુ- 'મારા નિવેદનને ખોટી રીતે રજૂ કરવામાં આવ્યું'

Mary Kom On Retirement: ભારતીય મહિલા બોક્સર મેરી કોમે નિવૃત્તિના સમાચારને ફગાવી દીધા છે

ફોટોઃ સોશિયલ મીડિયા

Mary Kom On Retirement: ભારતીય મહિલા બોક્સર મેરી કોમે નિવૃત્તિના સમાચારને ફગાવી દીધા છે. વાસ્તવમાં અગાઉ ઘણા મીડિયા રિપોર્ટ્સમાં એવું કહેવામાં આવ્યું હતું કે મેરી કોમે બોક્સિંગને અલવિદા કહેવાનો નિર્ણય લીધો છે, પરંતુ હવે મેરી કોમે પોતે નિવૃત્તિના સમાચારને સંપૂર્ણપણે નકારી કાઢ્યા છે. તેમણે કહ્યું કે મારા નિવેદનને ખોટી રીતે રજૂ કરવામાં આવ્યું છે.

Boxing champion Mary Kom says, "I haven’t announced retirement yet and I have been misquoted. I will personally come in front of media whenever I want to announce it. I have gone through some media reports stating that I have announced retirement and this is not true. I was… pic.twitter.com/VxAcFsq44v

— ANI (@ANI) January 25, 2024

'મારા વાતોને ખોટી રજૂ કરવામાં આવી'

બોક્સિંગ ચેમ્પિયન મેરી કોમે કહ્યું હતું કે અત્યાર સુધી મેં મારી નિવૃત્તિની જાહેરાત કરી નથી. મારા શબ્દોનો ખોટો અર્થ કાઢવામાં આવ્યો છે. તેણીએ કહ્યું કે જ્યારે પણ હું તેની જાહેરાત કરીશ ત્યારે હું વ્યક્તિગત રીતે મીડિયા સમક્ષ હાજર થઈશ. મેં કેટલાક મીડિયા અહેવાલો જોયા છે જેમાં કહેવામાં આવ્યું છે કે મેં મારી નિવૃત્તિની જાહેરાત કરી છે, પરંતુ આ બાબતોમાં કોઈ સત્ય નથી.

મીડિયા રિપોર્ટ્સ પર મેરી કોમે શું કહ્યું?

મેરી કોમે કહ્યું હતું કે 24 જાન્યુઆરીએ ડિબ્રુગઢમાં એક શાળાના કાર્યક્રમમાં બાળકોને પ્રેરિત કરવા માટે મેં કહ્યું કે હજુ પણ મારી અંદર સ્પોર્ટ્સની ભૂખ છે પરંતુ વય મર્યાદાના કારણે ઓલિમ્પિકમાં ભાગ લઈ શકીશ નહીં. જો કે, હું તેનો ભાગ બનવા માંગુ છું. તેણીએ એમ પણ કહ્યું કે હું મારી ફિટનેસ પર ઘણું કામ કરી રહી છું. અત્યાર સુધી મેં નિવૃત્તિની જાહેરાત કરી નથી. જ્યારે પણ હું મારી નિવૃત્તિની જાહેરાત કરીશ ત્યારે હું વ્યક્તિગત રીતે મીડિયા સમક્ષ હાજર થઈશ.

મેરી કોમ 6 વખત વર્લ્ડ ચેમ્પિયન બની

મેરી કોમે લંડન ઓલિમ્પિક ગેમ્સ 2012માં બ્રોન્ઝ મેડલ જીત્યો હતો. ઉપરાંત, તે રેકોર્ડ 6 વખત વર્લ્ડ ચેમ્પિયન રહી છે. આમ કરનારી એકમાત્ર મહિલા બોક્સર મેરી કોમ છે. આ સિવાય મેરી કોમ 5 વખત એશિયન ચેમ્પિયનશિપની વિજેતા રહી હતી. જ્યારે મેરી કોમની બાયોપિક 2014માં આવી હતી. જેમાં બોલિવૂડ અભિનેત્રી પ્રિયંકા ચોપરાએ મેરી કોમનો રોલ કર્યો હતો. આ ફિલ્મ બોક્સ ઓફિસ પર હિટ રહી હતી.

મેરી કોમની બોક્સિંગ કરિયર

મેરી કોમે તેની બોક્સિંગ કારકિર્દી 18 વર્ષની ઉંમરે સ્ક્રેન્ટન, પેન્સિલવેનિયામાં શરૂ કરી હતી. આ પછી મેરી કોમે ઇન્ટરનેશનલ બોક્સિંગ એસોસિએશન (IBA)ની મહિલા બોક્સિંગ વર્લ્ડ ચેમ્પિયનશિપમાં ગોલ્ડ મેડલ જીત્યો હતો.  આવું કરનાર તે પ્રથમ ભારતીય બોક્સર બની હતી. ત્યારબાદ મેરી કોમે 2005, 2006, 2008 અને 2010માં વર્લ્ડ ચેમ્પિયનશિપ જીતી હતી. મેરી કોમ લંડન ઓલિમ્પિકમાં 51KG કેટેગરીમાં બ્રોન્ઝ મેડલ વિજેતા હતી. તેમજ મેરી કોમે 2018માં છઠ્ઠી વખત વર્લ્ડ ચેમ્પિયનશિપ જીતી હતી.