US Open 2023: જોકોવિચે જીત્યું 24મું ગ્રાન્ડસ્લેમ ટાઇટલ, US Open ફાઇનલમાં મેદવેદેવને હરાવ્યો

US Open 2023: સર્બિયાના 36 વર્ષીય અનુભવી ખેલાડીએ 6-3, 7-6 (7-5), 6-3થી જીત મેળવી હતી

ફોટોઃ ટ્વિટર

US Open 2023: સર્બિયાના ટેનિસ સ્ટાર નોવાક જોકોવિચે યુએસ ઓપન 2023નું ટાઇટલ પોતાના નામે કરી દીધું છે. જોકોવિચે ન્યૂયોર્કના માર્ગારેટ કોર્ટમાં રમાયેલી ફાઇનલમાં ડેનિલ મેદવેદેવને હરાવીને તેનું 24મું ગ્રાન્ડ સ્લેમ સિંગલ્સ ટાઇટલ જીત્યું હતું. સર્બિયાના 36 વર્ષીય અનુભવી ખેલાડીએ 6-3, 7-6 (7-5), 6-3થી જીત મેળવી હતી.

Novak Djokovic handled the weight of history to defeat Daniil Medvedev on Sunday.

— US Open Tennis (@usopen) September 11, 2023

જોકોવિચે પ્રથમ સેટ 6-3થી સરળતાથી જીતી લીધો હતો. આ પછી બીજા સેટમાં જોકોવિચ અને મેદવેદેવ વચ્ચે જોરદાર ટક્કર જોવા મળી હતી જે એક કલાક અને 44 મિનિટ સુધી ચાલી હતી.  જોકોવિચે આ સેટ 7-6 (7-5)થી જીત્યો હતો. ત્રીજા સેટમાં જોકોવિચે મેદવેદેવને 6-3થી હરાવ્યો હતો. 

Novak hits 2️⃣4️⃣

How it sounded on US Open radio 🎙 pic.twitter.com/BPwpFlp0fy

— US Open Tennis (@usopen) September 11, 2023

Novak is once again the king in Queens! pic.twitter.com/fCMHACdGJL

— US Open Tennis (@usopen) September 10, 2023

જોકોવિચનું ચોથું યુએસ ઓપન ટાઇટલ

જોકોવિચ બીજા સેટમાં થોડો પરેશાન દેખાતો હતો, પરંતુ તેણે તેનું ચોથું યુએસ ઓપન ટાઇટલ જીતી લીધું હતું. આ વર્ષની શરૂઆતમાં જોકોવિચે 22 ગ્રાન્ડ સ્લેમ ટાઇટલ જીતવાના રાફેલ નડાલના રેકોર્ડને તોડી દીધો હતો.  જોકોવિચને જૂલાઈમાં વિમ્બલ્ડનની ફાઇનલમાં હારનો સામનો કરવો પડ્યો હતો. જોકે, તેણે 2023માં ચારમાંથી ત્રણ ગ્રાન્ડ સ્લેમ ટાઈટલ જીત્યા છે.             

That's a lot of hardware. 🤯 pic.twitter.com/eRPA0vxNMl

— US Open Tennis (@usopen) September 11, 2023

અમેરિકાની યુવા મહિલા ટેનિસ ખેલાડી કોકો ગોફે શનિવારે યુએસ ઓપનની ફાઇનલમાં બેલારુસની અરિના સાબાલેન્કાને હરાવીને યુએસ ઓપનનું ટાઇટલ જીત્યું હતું. 19 વર્ષની ગોફની કારકિર્દીનું આ પ્રથમ ગ્રાન્ડ સ્લેમ ટાઈટલ છે. પ્રથમ સેટ ગુમાવ્યા બાદ ગોફે શાનદાર વાપસી કરી હતી અને મેચ 2-6, 6-3, 6-2થી જીતી લીધી હતી.                         

ગૉફ 2017 પછી આ ટાઇટલ જીતનારી પ્રથમ અમેરિકન ખેલાડી બની છે. આ સિદ્ધિ છેલ્લે સોલન સ્ટીફને 2017માં મેળવી હતી. ગોફ 1999 પછી યુએસ ઓપન જીતનાર પ્રથમ અમેરિકાની યુવા ખેલાડી છે. સેરેના વિલિયમ્સે 1999માં આ સિદ્ધિ હાંસલ કરી હતી.