હરિયાણા સ્ટીલર્સે પ્રૉ કબડ્ડી લીગ 2021 માટે આ ઘાતક ખેલાડીને બનાવ્યો નવો કેપ્ટન, જાણો............

ઉલ્લેખનીય છે કે, હરિયાણા સ્ટીલર્સ 2019ની સિઝનમાં પાંચમા સ્થાન પર રહી હતી. 

હરિયાણા સ્ટીલર્સ

નવી દિલ્હીઃ આગામી 22 ડિસેમ્બથી પ્રૉ કબડ્ડી લીગ 2021ની શરૂઆત થવા જઇ રહી છે. પહેલી મેચમાં બેંગ્લુરુ બુલ્સ અને યુ મૂમ્બા એકબીજા સામે ટકરાઇને ટૂર્નામેન્ટની શરૂઆત કરશે. આ બધાની વચ્ચે પ્રૉ કબડ્ડી લીગ 2021 માટે હરિયાણા સ્ટીલર્સે પોતાની નવી રણનીતિ અપનાવી છે. આઠમી સિઝન માટે હરિયાણા સ્ટીલર્સે વિકાસ કન્ડોલાને પોતાની ટીમનો નવો કેપ્ટન બનાવી દીધો છે. હરિયાણા સ્ટીલર્સ પોતાની પહેલી મેચ 23 ડિસેમ્બરે પટના પાઇરેટ્સ સામે રમશે. કન્ડોલાએ ગત સિઝનમાં હરિયાણા સ્ટીલર્સ માટે શાનદાર પ્રદર્શન કર્યુ અને પ્રમુખ સ્કૉરર રહ્યો હતો. 

વિકાસ કન્ડોલા વિશે.........
વિકાસ કન્ડોલા હરિયાણાના જિન્દમાં જન્મ્યો છે. કન્ડોલાએ અત્યાર સુધીની પોતાની પ્રૉ કબડ્ડી લીગ સિઝનમાં 55 મેચોમાં 7.69ની એવરેજથી કુલ 423 રેડ પૉઇન્ટ બનાવ્યા છે. 

કેપ્ટન તરીકે નિયુક્ત થયા બાદ વિકાસ કન્ડોલાએ કહ્યું કે, હું હરિયાણા સ્ટીલર્સનો કેપ્ટન બન્યા બાદ ગર્વ અનુભવુ છે. છેલ્લા ત્રણ સિઝનથી હુ આ ટીમની સાથે રહ્યો છું, અને મે દરેક મિનીટ ટીમ માટે બેસ્ટ કરવા આપી છે. નિશ્ચિત રીતે આવનારા સમયમાં હું ટીમને બેસ્ટ આપવાની કોશિશ કરીશ. અમારી ટીમમાં યુવા અને અનુભવીનુ યોગ્ય મિશ્રણ છે. ઉલ્લેખનીય છે કે, હરિયાણા સ્ટીલર્સ 2019ની સિઝનમાં પાંચમા સ્થાન પર રહી હતી. 

 

આ પણ વાંચો...........