વારંવાર ફોન ચાર્જ કરવાની ઝંઝટમાંથી મળશે મુક્તિ, Apple અને Samsung લાવી રહી છે આ ટેકનોલૉજી, લાંબી ચાલશે બેટરી
Tech News: ચીનની સ્માર્ટફોન કંપનીઓ બેટરીના મામલે અન્ય કંપનીઓને રસ્તો બતાવી રહી છે
Tech News: સ્માર્ટફોન ટેક્નોલોજી સતત વિકસી રહી છે. એક સમય હતો જ્યારે 2MP કેમેરાને મોટી વાત માનવામાં આવતી હતી, પરંતુ હવે 200MP કેમેરાવાળા સ્માર્ટફોન આવવા લાગ્યા છે. એ જ રીતે, બાકીની ટેક્નોલોજી અદ્યતન બની રહી છે, પરંતુ બેટરી સંબંધિત પ્રગતિ થોડી ધીમી છે. અત્યારે પણ ઘણા મોટા સ્માર્ટફોન લગભગ 5000 mAh સુધીની બેટરી સાથે આવે છે. જોકે, હવે આમાં ફેરફાર થવાનો છે અને સેમસંગ અને એપલ જેવી કંપનીઓ મોટી બેટરી લાવવાનું વિચારી રહી છે.
ચીની કંપનીઓ બતાવી રહી છે રસ્તો -
ચીનની સ્માર્ટફોન કંપનીઓ બેટરીના મામલે અન્ય કંપનીઓને રસ્તો બતાવી રહી છે. ઉદાહરણ તરીકે, ચીનમાં ઉપલબ્ધ Nubia RedMagic 10 Pro ની બેટરી ક્ષમતા 7,050 mAh છે. આ હોવા છતાં, તેના કદ પર કોઈ અસર થઈ નથી. હવે સેમસંગ અને એપલ પણ આ જ રસ્તે આગળ વધી રહ્યા છે. બંને કંપનીઓ નવી બેટરી વિકસાવવામાં વ્યસ્ત છે. આ બેટરીઓની મદદથી ફોનની સાઈઝ વધાર્યા વગર વધુ ક્ષમતા આપી શકાય છે.
સેમસંગ પહેલા લાવી શકે છે મોટી બેટરી -
એવું કહેવામાં આવી રહ્યું છે કે એપલની તુલનામાં, સેમસંગ પહેલા મોટી બેટરી ક્ષમતાવાળા ફોન લૉન્ચ કરી શકે છે. સેમસંગે તેની સાઈઝ વધાર્યા વગર બેટરીમાં સિલિકોન કન્ટેન્ટ વધારવાનો રસ્તો શોધી કાઢ્યો છે. આમાં બેટરી સોજો જેવી કોઈ સમસ્યા નહીં થાય. જો કે, હજુ સુધી કંપનીએ તેના સ્માર્ટફોનમાં મોટી બેટરી ક્યારે આપવાનું શરૂ કરશે તે અંગે કોઈ માહિતી આપી નથી.
એપલમાં મોટી બેટરી માટે કરવો પડશે ઇન્તજાર -
ઉદ્યોગ નિષ્ણાતોનું કહેવું છે કે એપલ ફોનમાં મોટી ક્ષમતાની બેટરીની રાહ લાંબી હોઈ શકે છે. એવી અટકળો છે કે Apple 2026 પછી આવનારા iPhone મૉડલમાં વધુ ક્ષમતાની બેટરી લાવી શકે છે. વાસ્તવમાં એપલ હંમેશા નવી ટેક્નોલોજી અપનાવવાની બાબતમાં અન્ય કંપનીઓથી પાછળ રહે છે.
આ પણ વાંચો
નવો મોબાઇલ ખરીદવાનો બનાવ્યો છે પ્લાન, જાન્યુઆરીમાં આવી રહ્યાં છે આ ધાંસૂ ફોન, જુઓ લિસ્ટ
ટોપ સ્ટોરી
ટ્રેન્ડિંગ સમાચાર
