(Source: ECI/ABP News)
આવતા મહિને શરૂ થઈ જશે BSNLની 4G સેવા, અત્યાર સુધીમાં 12000 4જી ટાવર લગાવ્યા, ફ્રીમાં મળશે 4જી SIM
BSNL ઈન્ડિયાએ સોશિયલ મીડિયા પ્લેટફોર્મ X પર એક પોસ્ટમાં જણાવ્યું છે કે એક અઠવાડિયામાં દેશના વિવિધ ભાગોમાં 1,000 4G ટાવર લગાવવામાં આવ્યા છે.
BSNL 4G service launch: જો તમે પણ BSNL 4Gની રાહ જોઈ રહ્યા છો તો તમારા માટે સારા સમાચાર છે. BSNLની 4G સેવા આવતા મહિને શરૂ થવા જઈ રહી છે અને તે પહેલા 4G ટાવર યુદ્ધના ધોરણે લગાવવામાં આવી રહ્યા છે. BSNL ઈન્ડિયાએ સોશિયલ મીડિયા પ્લેટફોર્મ X પર એક પોસ્ટમાં જણાવ્યું છે કે એક અઠવાડિયામાં દેશના વિવિધ ભાગોમાં 1,000 4G ટાવર લગાવવામાં આવ્યા છે.
BSNL એ થોડા દિવસો પહેલા કહ્યું હતું કે BSNL 4G અને 5G નેટવર્ક માટે દેશભરમાં લગભગ 1.12 લાખ ટાવર લગાવશે. કંપનીએ અત્યાર સુધીમાં 12,000 4G ટાવર લગાવ્યા છે, જેમાંથી 6,000 ટાવર પંજાબ, ઉત્તર પ્રદેશ પશ્ચિમ, હિમાચલ પ્રદેશ અને હરિયાણા સર્કલમાં સક્રિય છે. BSNL એ 4G સેવા માટે TCS, તેજસ નેટવર્ક અને સરકારી ITI સાથે ભાગીદારી કરી છે.
તમને જણાવી દઈએ કે BSNL 4G આ મહિનાની શરૂઆતમાં તમિલનાડુના તિરુવલ્લુવર જિલ્લામાં લોન્ચ કરવામાં આવ્યું છે. BSNL 4Gના આ લોન્ચથી નોચિલી, કોલાથુર, પલ્લીપેટ, થિરુવેલ્લાવોયલ અને પોનેરી જેવા વિસ્તારોને ફાયદો થશે. BSNL અધિકારીઓએ પુષ્ટિ કરી છે કે આ પછી, 4G રોલઆઉટ તમિલનાડુની રાજધાની ચેન્નાઈમાં કરવામાં આવશે.
#BSNL has achieved a milestone of 1,000 sites on air this week for our 4G saturation project, bringing connectivity to uncovered villages!#BSNL4GSaturation #4GSaturation #ConnectivityForAll #SwitchToBSNL pic.twitter.com/o0Ju5oFfKo
— BSNL India (@BSNLCorporate) July 21, 2024
મફત 4જી સિમ કાર્ડ
નવા લોન્ચ બાદ કંપની ગ્રાહકોને ફ્રી સિમ કાર્ડ આપી રહી છે. નવા ગ્રાહકોને મફત સિમ કાર્ડ મળી રહ્યું છે અને હાલના ગ્રાહકોને 4G સિમમાં મફત અપગ્રેડ મળી રહ્યું છે. આ લોન્ચિંગ ઓફર ત્રણ મહિના માટે ઉપલબ્ધ છે.
ભારતીય મોબાઈલ કોંગ્રેસના ઉદ્ઘાટન સમારોહ દરમિયાન, સિંધિયાએ કહ્યું કે ટેક્નોલોજી અપડેટ કરવામાં થોડો વિલંબ થઈ શકે છે, પરંતુ આપણે "રાષ્ટ્રીય ગૌરવ" અનુભવવું જોઈએ અને થોડી ધીરજ રાખવી જોઈએ. આ વિલંબ એટલા માટે થઈ રહ્યો છે કારણ કે અમે વિદેશી કંપનીઓ પાસેથી ટેક્નોલોજી નથી ખરીદી રહ્યા, પરંતુ તેને ભારતમાં જાતે બનાવી રહ્યા છીએ.
ટોપ સ્ટોરી
ટ્રેન્ડિંગ સમાચાર
