ઓનલાઈન ફ્રોડ પર 'ડિજિટલ સ્ટ્રાઈક': સરકારે 8600000 સિમ કાર્ડ કર્યા બ્લોક, ₹1000 કરોડની બચત
Digital Strike on Online Fraud: ટેલિકોમ વિભાગની મોટી કાર્યવાહી: આંતરરાષ્ટ્રીય સ્પામ કોલ્સમાં 99% નો ઘટાડો; ભારત બન્યું AI અને 5G યુઝર્સમાં ગ્લોબલ લીડર.
Digital Strike on Online Fraud: ભારત સરકારે ડિજિટલ દુનિયામાં વધી રહેલા સાયબર ક્રાઈમ (Cyber Crime) અને ઓનલાઈન છેતરપિંડી સામે કડક વલણ અપનાવ્યું છે. ટેલિકોમ્યુનિકેશન વિભાગ (Department of Telecommunications) એ સાયબર ઠગાઈ કરનારાઓ પર મોટી 'ડિજિટલ સ્ટ્રાઈક' (Digital Strike) કરી છે. સરકાર દ્વારા જાહેર કરાયેલા તાજેતરના આંકડા મુજબ, છેલ્લા કેટલાક સમયમાં 8.6 Million (86 લાખ) થી વધુ શંકાસ્પદ અને નકલી સિમ કાર્ડને બ્લોક કરી દેવામાં આવ્યા છે. સરકારની આ ત્વરિત કાર્યવાહીને કારણે સામાન્ય નાગરિકોના આશરે ₹1,000 Crore થી વધુની રકમ છેતરપિંડીનો ભોગ બનતા બચી ગઈ છે.
છેલ્લા 6 મહિનામાં સાયબર સુરક્ષા મજબૂત બની
ટેલિકોમ વિભાગે સોશિયલ મીડિયા પ્લેટફોર્મ X પર ડેટા શેર કરતા જણાવ્યું હતું કે, છેલ્લા 6 મહિનામાં સાયબર ફ્રોડ અટકાવવા માટે લેવાયેલા પગલાં અત્યંત અસરકારક સાબિત થયા છે. 'સંચાર સાથી' (Sanchar Saathi) પોર્ટલ અને એપ દ્વારા દરરોજ હજારો ફ્રોડ રિપોર્ટ થઈ રહ્યા છે. જેના પરિણામે, વિદેશી નંબરો પરથી આવતા ફેક અથવા સ્પામ કોલ્સમાં 99% જેટલો જંગી ઘટાડો નોંધાયો છે. આ આંકડા દર્શાવે છે કે ભારત હવે ડિજિટલ સુરક્ષાના મામલે વધુ સતર્ક બન્યું છે.
ડિજિટલ ક્રાંતિ: સસ્તો ડેટા અને 5G ની રફતાર
ડિજિટલ ક્રાંતિના મામલે ભારતે અમેરિકા, ચીન અને જાપાન જેવા વિકસિત દેશોને પણ હંફાવી દીધા છે.
સસ્તો ડેટા: ભારતમાં મોબાઈલ ડેટાની કિંમત વિશ્વના અન્ય દેશોની સરખામણીએ ઘણી ઓછી છે. અહીં 1 GB ડેટાનો ભાવ માત્ર ₹8.27 છે.
5G યુઝર્સ: વર્ષ 2022 માં 5G સેવા શરૂ થયા બાદ, ભારતમાં 5G યુઝર્સની સંખ્યા રેકોર્ડ બ્રેક 400 Million ને પાર કરી ગઈ છે.
કુલ યુઝર્સ: ભારતમાં કુલ ટેલિકોમ સબ્સ્ક્રાઇબર્સની સંખ્યા 1.23 Billion ને વટાવી ગઈ છે, જેનાથી ભારત વિશ્વનું બીજું સૌથી મોટું ટેલિકોમ માર્કેટ બની ગયું છે.
With mobile data priced at just ₹8.27 per GB, a rapidly growing base of 400 million 5G users, and strong security outcomes including 86 lakh fraudulent SIMs blocked and a 99 percent reduction in spoofed international calls, India’s telecom growth is both inclusive and secure.… pic.twitter.com/9uGC6Q3nXI
— DoT India (@DoT_India) January 12, 2026
AI ના ઉપયોગમાં પણ ભારત અવ્વલ
માત્ર કનેક્ટિવિટી જ નહીં, પરંતુ આર્ટિફિશિયલ ઈન્ટેલિજન્સ (AI) ના વપરાશમાં પણ ભારતીયો આગળ છે. DoT ના રિપોર્ટ અનુસાર, વિશ્વભરમાં જેટલા લોકો ChatGPT નો ઉપયોગ કરે છે, તેમાંથી 13.5% હિસ્સો ભારતીય યુઝર્સનો છે. આ આંકડો સાબિત કરે છે કે ભારત નવી ટેકનોલોજી અપનાવવામાં કોઈ પણ મહાસત્તાથી પાછળ નથી.
સરકારની આ કાર્યવાહીથી સ્પષ્ટ છે કે આગામી સમયમાં ઓનલાઈન ફ્રોડ કરનારાઓ માટે મુશ્કેલીઓ વધવાની છે, અને સામાન્ય જનતા માટે ડિજિટલ વ્યવહારો વધુ સુરક્ષિત બનશે.
ટોપ સ્ટોરી
ટ્રેન્ડિંગ સમાચાર
