Airtelની 5G સર્વિસ આ મહિને લોન્ચ થશે, આ શહેરોમાં સૌ પ્રથમ મળશે સુવિધા

5G સર્વિસ ટૂંક સમયમાં રિલીઝ થઈ શકે છે. આની મદદથી તમે તમારા 5G સ્માર્ટફોન પર 5G સેવાનો આનંદ માણી શકો છો

પ્રતિકાત્મક તસવીર

5G સર્વિસ ટૂંક સમયમાં રિલીઝ થઈ શકે છે. આની મદદથી તમે તમારા 5G સ્માર્ટફોન પર 5G સેવાનો આનંદ માણી શકો છો. ટેલિકોમ કંપની એરટેલની 5જી સેવા પણ આ મહિને જ લોન્ચ થવા જઈ રહી છે. કંપનીએ થોડા સમય પહેલા આ અંગે માહિતી આપી હતી. કંપનીએ કહ્યું હતું કે ઓગસ્ટમાં 5G સેવા શરૂ કરવામાં આવશે. જો આવું થશે તો તમે આ મહિનાથી જ એરટેલની 5G સેવાનો આનંદ લઈ શકો છો. એરટેલે 5G સ્પેક્ટ્રમ માટે આશરે રૂ. 43,000 કરોડનો ખર્ચ કર્યો છે. એરટેલે 5G સર્વિસ લોન્ચ કરવાની તારીખ વિશે માહિતી આપી નથી. પરંતુ, કંપનીના CEO Gopal Vittalએ અગાઉ કહ્યું હતું કે ઓગસ્ટ મહિનામાં જ 5G સેવા શરૂ કરવામાં આવશે.

 

એરટેલની 5G સેવા આ મહિને શરૂ થવાનો અર્થ એ નથી કે 5G સેવા સમગ્ર દેશમાં ઉપલબ્ધ થશે. અગાઉ તે માત્ર મેટ્રો શહેરોમાં જ ઉપલબ્ધ થશે.  જ્યાં 5G પાયલોટ ટેસ્ટ સફળ રહ્યો છે ત્યાં આ સેવા શરૂ કરવામાં આવશે. એરટેલની 5G સેવા આ વર્ષના અંત સુધીમાં ટિયર-2 અને ટિયર-3 શહેરોમાં ઉપલબ્ધ થશે. સમગ્ર ભારતમાં એરટેલની 5G સેવા માટે માર્ચ 2024 સુધી રાહ જોવી પડી શકે છે.

 

ભારતમાં એરટેલ 5G બેન્ડ્સ 

એરટેલે 900 MHz (n8), 1800 MHz (n3), 2100MHz (n1), 3300 MHz (n78), અને 26 GHz (n258 mmWave) બેન્ડ ખરીદ્યા છે. આ માટે કંપનીએ લગભગ 43,038 કરોડ રૂપિયા ખર્ચ્યા છે.

ભારતમાં આ શહેરોમાં મળશે Airtel 5G સપોર્ટ

તાજેતરના અહેવાલ મુજબ, એરટેલ 5G સેવા સૌપ્રથમ દિલ્હી, ગાંધીનગર, બેંગલુરુ, ચંદીગઢ, ગુરુગ્રામ, હૈદરાબાદ, જામનગર, અમદાવાદ, ચેન્નઈ, કોલકાતા, લખનઉ, મુંબઈ અને પુણેમાં શરૂ કરવામાં આવશે. એટલે કે તેને પહેલા 13 શહેરોમાં લોન્ચ કરવામાં આવશે. બાદમાં તેને ટિયર-2 અને ટિયર-3 શહેરોમાં રિલીઝ કરવામાં આવશે.

એરટેલ 5Gની કિંમત

Airtel 5Gની કિંમતને લઈને કોઈ સત્તાવાર માહિતી સામે આવી નથી. પરંતુ જો રિપોર્ટનું માનીએ તો તેની કિંમત 4G કરતા પણ વધુ હોઈ શકે છે. ભારતમાં તેના પ્લાનની કિંમત 500 રૂપિયાથી શરૂ થઈ શકે છે. નોંધનીય છે કે  Airtel 4G પ્લાનની કિંમત લગભગ 300 રૂપિયાથી શરૂ થાય છે.