એપલ લાવી રહ્યું છે આ નવો iPhone, જાણો કયા કયા હશે મૉડલ ને ક્યારે થશે લૉન્ચ

આઇફોન 12ને કોરોના વાયરસ મહામારીના કારણે ઓક્ટોબરમાં લૉન્ચ કર્યો હતો. પરંતુ માનવામાં આવી રહ્યું છે કે એપલ આઇફોન 13એ સપ્ટેમ્બરમાં જ માર્કેટમાં ઉતારશે. આ તમામ ફોન લેટેસ્ટ ટેકનોલૉજી અને ફિચર્સની સાથે લૉન્ચ કરવામા આવશે

(ફાઇલ તસવીર)

નવી દિલ્હીઃ ટેક જાયન્ટ એપલ પોતાની આઇફોન 12 બાદ હવે આઇફોન 13ની તૈયારીઓમા લાગી ગઇ છે. ઘણા વર્ષો બાદ એવુ પહેલીવાર બન્યુ છે જ્યારે કંપનીએ iPhoneની સીરીઝને સપ્ટેમ્બરમાં નથી કર્યો. આઇફોન 12ને કોરોના વાયરસ મહામારીના કારણે ઓક્ટોબરમાં લૉન્ચ કર્યો હતો. પરંતુ માનવામાં આવી રહ્યું છે કે એપલ આઇફોન 13એ સપ્ટેમ્બરમાં જ માર્કેટમાં ઉતારશે. આ તમામ ફોન લેટેસ્ટ ટેકનોલૉજી અને ફિચર્સની સાથે લૉન્ચ કરવામા આવશે. ચાર મૉડલ થઇ શકે છે લૉન્ચ એક રિપોર્ટ પ્રમાણે એપલ આઇફોન 13 સીરીઝ અંતર્ગત iPhone 13, iPhone 13 Mini, iPhone 13 Pro અને iPhone 13 Pro Maxને લૉન્ચ કરી શકે છે. iPhone 13 Miniમાં 60Hz રિફ્રેશ રેટની સાથે 5.4 ઇંચની OLED ડિસ્પ્લે આપવામાં આવી શકે છે. વળી iPhone 13માં 6.1 ઇંચની ડિસ્પ્લે આવી શકે છે. યૂઝર્સને iPhone 13 Proમાં 6.1 ઇંચની OLED ડિસ્પ્લે અને iPhone 13 Pro Maxમાં 6.7 ઇંચની OLED ડિસ્પ્લે આપવામાં આવી શકે છે. બન્ને જ સ્ક્રીન 120Hz રિફ્રેશ રેટની સાથે આવશે. ઓછી હશે નૉચની સાઇઝ રિપોર્ટ અનુસાર આઇફોન 13માં નૉચની સાઇઝ ઓછી કરવામાં આવી શકે છે, જેનાથી સ્ક્રીનની સાઇઝ વધશે. વળી, હજુ સુધી એ સ્પષ્ટ નથી થયુ કે નૉચની સાઇઝ આઇફોન 13માં ઓછી કરવામાં આવશે કે તમામ મૉડલ્સમાં ઓછી કરવામાં આવશે. આના વિશે થોડાક સમયમાં ખબર પડી જશે. iPhone 12S લૉન્ચ કરી શકે છે કંપની વળી બીજીબાજુ રિપોર્ટ્સ એ પણ છે કે એપલ iPhone 13ના નામથી કોઇ ફોન લૉન્ચ નહીં કરે. આના બદલે કંપની iPhone 12S નામથી સ્માર્ટફોન લૉન્ચ કરી શકે છે. જોકે આ માત્ર રિપોર્ટ છે આને લઇને હજુ કંઇપણ કહી શકાતુ નથી. જોવાનુ રહેશે કે આગામી સમયમાં કંપની શું જાહેરાત કરે છે.