iPhone 17 સીરીઝમાં નવું મૉડલ લાવી શકે છે Apple, લૉન્ચ પહેલા કિંમત ને ફિચર્સ થયા લીક
iPhone 17 Air Expected Price Leak: એવી અપેક્ષાઓ છે કે, Apple iPhone 17 એરને સંપૂર્ણપણે આકર્ષક અને નવો દેખાવ આપી શકે છે
iPhone 17 Air Expected Price Leak: iPhone 16 સીરીઝ બાદ Apple હવે iPhone 17 સીરીઝ લૉન્ચ કરવાની તૈયારી કરી રહ્યું છે. આ વખતે કંપની પોતાની સીરીઝમાં પ્લસ મૉડલને બદલે એર વર્ઝન લાવી શકે છે. એવી અટકળો છે કે Apple iPhone 17 Plus ને iPhone 17 Air સાથે બદલી શકે છે, જેની જાડાઈ 5-6mm હોઈ શકે છે. પહેલા એવા અહેવાલ હતા કે તેની કિંમત પ્રૉ મૉડલ્સ કરતા વધારે હોઈ શકે છે, પરંતુ લેટેસ્ટ માહિતી આવી છે કે આવું થવાનું નથી. એર મૉડલની કિંમત પ્રૉ મૉડલ કરતા ઓછી હોવાની શક્યતા છે.
આઇફોન 17 એરમાં કયા ફિચર મળવાની આશા ?
એવી અપેક્ષાઓ છે કે, Apple iPhone 17 એરને સંપૂર્ણપણે આકર્ષક અને નવો દેખાવ આપી શકે છે. તેને ટાઇટેનિયમ ફ્રેમ આપી શકાય છે, જેથી તેનું વજન ઓછું રાખી શકાય. તે 120Hz રિફ્રેશ રેટ સાથે 6.6 ઇંચ સુપર રેટિના XDR OLED ડિસ્પ્લે મેળવી શકે છે. તે Appleના નવા A19 ચિપસેટથી સજ્જ થઈ શકે છે, જે તેના પ્રદર્શન અને ઊર્જા કાર્યક્ષમતા વધારવામાં મદદ કરશે. કેમેરા વિશે વાત કરીએ તો, તેમાં 48MP પ્રાઈમરી સેન્સર અને 24MP ફ્રન્ટ કેમેરા હોવાની અપેક્ષા છે.
કેટલી હોઇ શકે છે આઇફોન 17 એરની કિંમત ?
લેટેસ્ટ અહેવાલો અનુસાર, iPhone 17 Airની કિંમત પ્લસ વેરિઅન્ટ જેટલી જ રહી શકે છે. નવા મૉડલને પ્રૉ વર્ઝનની સરખામણીમાં સસ્તું વેરિઅન્ટ તરીકે સ્થાન આપવામાં આવશે. તેની કિંમત ઓછી રાખવા માટે કંપની તેની કેટલીક સુવિધાઓ સાથે સમાધાન કરી શકે છે. તેની કિંમત લગભગ iPhone 16 Plus જેટલી જ હોવાની શક્યતા છે. હાલમાં ભારતમાં iPhone 16 Plus ની કિંમત લગભગ 80,000 રૂપિયાથી શરૂ થાય છે. આ આધાર પર iPhone 17 Airની કિંમત પણ આની આસપાસ હોઈ શકે છે. આ ફોન આવતા વર્ષે સપ્ટેમ્બરમાં લૉન્ચ થવાની સંભાવના છે. જો કે હજુ સુધી કંપની તરફથી આ અંગે સત્તાવાર રીતે કંઈ કહેવામાં આવ્યું નથી.
આ પણ વાંચો
Lava એ ચીની કંપનીઓની ઊંઘ ઉડાડી, લૉન્ચ કર્યો Dual સ્ક્રીન વાળો સસ્તો 5G સ્માર્ટફોન
ટોપ સ્ટોરી
ટ્રેન્ડિંગ સમાચાર
