Mozilla Firefoxમાં આવ્યો વાયરસ, બ્રાઉઝર લોક કરી સ્ક્રીનને કરી રહ્યો છે ફ્રીઝ

આ બગ મોઝિલા ફાયરફોક્સ યુઝ કરનારા વિન્ડોઝ અને મેક પીસીની સ્ક્રીનને ફ્રીઝ કરી રહ્યો છે

નવી દિલ્હીઃ સામાન્ય યુઝર્સ જ નહી ટેકનોલોજી કંપનીઓને પણ બગ અને માલવેર અટેકનો સામનો કરવો પડી રહ્યો છે. માલવેર અને વાયરસને પોતાને બચાવનારી કંપનીઓ જરૂરી પગલા ઉઠાવે છે પરંતુ હેકર્સ પણ ખૂબ સ્માર્ટ થઇ ગયા છે અને કંપનીઓની સિક્યોરિટી સિસ્ટમમાં ઘૂસ મારવા લાગ્યા છે. તાજેતરમાં જ જાણીતા ઇન્ટરનેટ બ્રાઉઝર Mozilla Firefox એક ખતરનાક બગનો શિકાર બન્યો છે. આ બગ મોઝિલા ફાયરફોક્સ યુઝ કરનારા વિન્ડોઝ અને મેક પીસીની સ્ક્રીનને ફ્રીઝ કરી રહ્યો છે. Ars Technicaના એક રિપોર્ટ અનુસાર, આ બગ વેબસાઇટ્સ મારફતે કોમ્પ્યૂટર સુધી પહોંચીને સ્ક્રીનને ફ્રીઝ કરી રહ્યો છે. સ્કૈમર્સ આ બગ મારફતે સ્ક્રીન પર એક મેસેજ બતાવીને બ્રાઉઝરને લોક કરી દે છે. આ નકલી મેસેજમાં યુઝર્સને ચેતવણી આપવામાં આવે છે કે તેનું ડિવાઇસ પાઇરેટેડ વર્ઝન પર કામ કરી રહ્યું છે. ઓરિજનલ વર્ઝન માટે યુઝર્સને એક નંબર પર કોલ કરવાનું કહેવામાં આવે છે. એવું ન કરવા પર ડિવાઇસને રિમોટલી ડિસેબલ કરવાની વાત કરવામાં આવે છે. આ મેસેજમાં કહેવામાં આવે છે કે મહેરબાની કરીને પીસીને બંધ ના કરો. તમારા કોમ્પ્યૂટરનું રજિસ્ટ્રી લોક થઇ ગયું છે. અમે તમારું કોમ્પ્યૂટર કેમ બ્લોક કર્યું છે. તમારી વિન્ડોઝ રજિસ્ટ્રી ગેરકાયદેસર છે. આ વિન્ડોઝ ડેસ્કટોપ પાઇરેટેડ સોફ્ટવેરનો ઉપયોગ કરી રહ્યું છે. અમે તમારી સુરક્ષા માટે ઓ કોમ્પ્યૂટરને બ્લોક કરી રહ્યા છીએ.. આ વિન્ડોઝ ડેસ્કટોપ ઇન્ટરનેટ પર વાયરલ મોકલી રહ્યું છે. તમારા કોમ્પ્યૂટરને બ્લોક થવાથી બચાવવા માટે અમને પાંચ મિનિટની અંદર કોલ કરોય આ મેસેજ બાદ યુઝર્સને સ્ક્રીન પર એક નંબર આપવામાં આવે છે. જેના પર તેમને કોલ કરવાનું કહેવામાં આવે છે. Mozillaને આ બગ અંગેની જાણકારી આપવામાં આવી છે. કંપનીએ કહ્યું કે, તે આ સમસ્યાનો ઉકેલ લાવવા માટે જરૂરી પગલા ઉઠાવી રહી છે.