JioPhone Prima 2 4G: દિવાળી અગાઉ Jio એ લોન્ચ કર્યો સૌથી સસ્તો ફોન! UPI પેમેન્ટ સહિત અનેક ફીચર્સ મળશે
Reliance Jio એ 4G ફીચર ફોનના નવા ગ્રાહકોને ધ્યાનમાં રાખીને એક નવો અને શાનદાર ફીચર ફોન લોન્ચ કર્યો છે
Reliance Jio: રિલાયન્સ જિયોએ (Reliance Jio) એ JioPhone Prima 2 નામનો નવો 4G ફીચર ફોન લૉન્ચ કર્યો છે. Jio એ ગયા વર્ષે JioPhone Prima લૉન્ચ કર્યો હતો. હવે કંપનીએ તેની ફોન સીરિઝમાં વધારો કરતા તેનું અપગ્રેડેડ મોડલ JioPhone Prima 2નું લોન્ચ કર્યો છે.
Reliance Jio એ 4G ફીચર ફોનના નવા ગ્રાહકોને ધ્યાનમાં રાખીને એક નવો અને શાનદાર ફીચર ફોન લોન્ચ કર્યો છે. JioPhone Prima 2 ની ડિઝાઇન ખૂબ જ અદભૂત છે. આ ફોન ઘણો સારો લાગે છે. ફોન જોયા પછી તમને લાગશે કે તે અન્ય ફીચર ફોનની તુલનામાં ડિઝાઇન મામલે ઘણો સારો દેખાય છે.
JioPhone Prima 2ની સ્પેસિફિકેશન્સ
કંપનીએ આ ફોનમાં 2,000mAh રિપ્લેસેબલ બેટરી આપી છે, જે ફીચર ફોન્સ પ્રમાણે ઘણી મોટી બેટરી છે. યુઝર્સ આ ફોનની બેટરી પણ બદલી શકે છે. કંપનીએ આ ફોનમાં 2.4 ઈંચની કર્વ્ડ ડિસ્પ્લે અને કીપેડ આપ્યું છે. આ ફોન અનસ્પેસિફાઇડ ક્વાલકોમ (Qualcomm) ચિપસેટ અને KaiOS 2.5.3 ઓપરેટિંગ સિસ્ટમ એટલે કે સોફ્ટવેર પર ચાલે છે. આ ફોનમાં 512MB રેમ અને 4GB ઓનબોર્ડ સ્ટોરેજ આપવામા આવ્યું છે જેને માઇક્રો SD કાર્ડની મદદથી 128GB સુધી વધારી શકાય છે.
JioPhone Prima 2 ના ફીચર્સ
રિલાયન્સ જિયોના આ નવા ફીચર ફોનમાં તેણે સેલ્ફી અને વીડિયો કોલિંગ માટે ફ્રન્ટ કેમેરા અને બેક કેમેરા પણ આપ્યા છે. કંપનીનો દાવો છે કે લોકો આ ફોનથી કોઈપણ એક્સટર્નલ વીડિયો ચેટ એપ વગર ડાયરેક્ટ વીડિયો કોલ કરી શકે છે. આ ફોનમાં LED ટોર્ચ લાઈટ પણ આપવામાં આવી છે.
યુપીઆઈ પેમેન્ટ, ફેસબુક, યુટ્યુબની સુવિધા
તે સિવાય ફોન મારફતે યુઝર્સ Jio દ્વારા સપોર્ટેડ JioPay દ્વારા સ્કેન કરીને UPI ચુકવણી પણ કરી શકશે. આ સિવાય આ ફોનમાં JioTV, JioCinema અને JioSaavn જેવી ઘણી એપ્સ મનોરંજન માટે ઉપલબ્ધ છે. આ સિવાય યુઝર્સ આ ફોનમાં ફેસબુક, યુટ્યુબ અને ગૂગલ આસિસ્ટન્ટનો પણ ઉપયોગ કરી શકે છે. આ ફોન 23 ભાષાઓને પણ સપોર્ટ કરે છે.
કલર, કિંમત અને સેલ
Reliance Jio એ તેનો ફોન JioPhone Prima 2 માત્ર Luxe Blue કલરમાં લોન્ચ કર્યો છે. તેની કિંમત 2,799 રૂપિયા છે. આ ફોનને એમેઝોનના શોપિંગ પ્લેટફોર્મ પર વેચાણ માટે ઉપલબ્ધ કરાવવામાં આવ્યો છે.
ટોપ સ્ટોરી
ટ્રેન્ડિંગ સમાચાર
