સેમસંગ તૈયાર કરી રહી છે ગેલેક્સી સીરીઝનો આ દમદાર ફોન, સૌથી પહેલા ક્યાં દેખાયો ને શું છે ફિચર્સ, જાણો વિગતે

આ પહેલા આ ફોન ગીક બેન્ચ પર પહેલા પણ સ્પૉટ કરવામાં આવ્યો હતો. લિસ્ટીંગથી જાણી શકાય છે કે આ ફોનમાં બે સિમનુ ઓપ્શન આપવામાં આવશે, જોકે ફોનને લઇને વધુ માહિતી સામે નથી આવી શકી

નવી દિલ્હીઃ ટેક કંપની સેમસંગ હવે માર્કેટમાં પોતાનો વધુ એક દમદાર ફોન લાવવાની તૈયારી કરી રહી છે. રિપોર્ટ પ્રમાણે આ સેમસંગનો ગેલેક્સી M02 સ્માર્ટફોન છે, અને સૌથી પહેલા આને Bureau of Indian Standards (BIS) સર્ટિફિકેશન સાઇટ પર સ્પૉટ કરવામાં આવ્યો છે. આ ફોન SM-025F/DS મૉડલ નંબરથી લિસ્ટ કરવામાં આવ્યો છે. આ પહેલા આ ફોન ગીક બેન્ચ પર પહેલા પણ સ્પૉટ કરવામાં આવ્યો હતો. લિસ્ટીંગથી જાણી શકાય છે કે આ ફોનમાં બે સિમનુ ઓપ્શન આપવામાં આવશે, જોકે ફોનને લઇને વધુ માહિતી સામે નથી આવી શકી. ઓક્ટાકૉર ક્વાલકૉમ પ્રૉસેસર હશે લિસ્ટીંગ અનુસાર, આ ફોન 3GB રેમ અને ઓક્ટાકૉર ક્વાલકૉમ પ્રૉસેસરની સાથે લૉન્ચ કરવામાં આવશે, જે 1.80GHz ની ફ્રિકવન્સીનો હશે. સ્માર્ટફોનને બીજી કેટલીય અન્ય વેબસાઇટ પર પણ સ્પૉટ કરવામાં આવ્યો છે. ફોન એન્ડ્રોઇડ 10 ઓપરેટિંગ સિસ્ટમ પર કામ કરશે. સેમસંગનો આ એન્ટ્રી લેવલ ફોન હશે, આને સિંગલકૉર સ્કૉર 128 છે, જ્યારે મલ્ટીકૉર સ્કૉર 486 પૉઇન્ટ છે. લૉન્ચિંગ ડેટ નક્કી નથી થઇ માનવામાં આવી રહ્યું છે કે Samsung Galaxy M02 સ્માર્ટફોન Galaxy A02s કે Galaxy A02નુ રિબ્રાન્ડેડ વર્ઝન છે. આ ફોનને Wi-Fi Alliance પર મૉડલ નંબર SM-M025F/DSની સાથે સ્પૉટ કરવામાં આવ્યો છે. આ સ્માર્ટફોનમાં 2.4GHz Wi-Fiનો સપોર્ટ આપવામાં આવ્યો છે. આ ઉપરાંત એક અન્ય લિસ્ટિંગમાં સ્માર્ટફોનને SM-A025F/DS, SM-A025F, SM-M025F/DS, SM-A025M/DS અને SM-A025M મૉડલ નંબરથી સ્પૉટ કરવામાં આવ્યો છે. માનવામાં આવી રહ્યુ છે કે ફોન જલ્દી માર્કેટમાં આવશે, પરંતુ આને લઇને કંપની તરફથી કોઇ તારીખ નક્કી નથી કરવામાં આવી.