વૉટ્સએપ ભારતીય યૂઝર્સ માટે આ ખાસ ફિચર પર કરી રહ્યું છે કામ, જાણો શું છે ને કઇ રીતે થશે ફાયદો......

WABetaInfoના રિપોર્ટ અનુસાર, WhatsApp એક નવા ફીચર પોલ પર કામ કરી રહ્યું છે, જે એન્ડ-ટુ-એન્ડ એન્ક્રિપ્ટેડ હશે. આ ફીચર માત્ર ગ્રુપ ચેટ્સ માટે જ ઉપલબ્ધ હશે

WhatsApp_09

WhatsApp Voting - વૉટ્સએપ પોતાના યૂઝર્સ માટે સમયાંતરે નવી નવી સુવિધાઓ લાવતુ રહે છે, હવે આ કડીમાં વધુ એક નવુ ફિચર બહુ જલદી એડ થઇ શકે છે. વૉટ્સએપ કથિત રીતે મેસેજ રિએક્શન અને ગૃપ્સ માટે એક નવી ટેબ જેવી નવી ફેસિલિટીની એક સીરીઝ પર કામ કરી રહ્યું છે. WaBetaInfoના રિપોર્ટ અનુસાર, વૉટ્સએપ પોતાના યૂઝર્સ માટે એક ગૃપ પૉલિંગ ફિચર રિલીઝ કરવાની યોજના બનાવી રહ્યું છે. હાલમાં આ ફિચર પર કામ ચાલી રહ્યું છે. આને એવુ પણ કહેવામા આવી શકે છે કે બહુ જલદી તમે WhatsApp Groups માં Poll Feature નો ઉપયોગ કરી શકવાના છો. ભારતમાં આ ફિચરનો ખુબ મોટા પ્રમાણમાં ઉપયોગ કરવામાં આવી રહ્યો છે. 

WABetaInfoના રિપોર્ટ અનુસાર, WhatsApp એક નવા ફીચર પોલ પર કામ કરી રહ્યું છે, જે એન્ડ-ટુ-એન્ડ એન્ક્રિપ્ટેડ હશે. આ ફીચર માત્ર ગ્રુપ ચેટ્સ માટે જ ઉપલબ્ધ હશે, જ્યાં ગ્રુપ મેમ્બર્સ વોટ કરી શકશે. સારી વાત એ છે કે વોટ્સએપના આવનારા ફીચરનો ઉપયોગ ફક્ત ગ્રુપમાં જ થઈ શકશે અને તે ગ્રુપના સભ્યો જ તેને જોઈ શકશે. આ પોલના વોટિંગમાં ગ્રુપની બહારનો કોઈ યુઝર ભાગ લઈ શકશે નહીં.

અત્યારે આ ફીચર વિશે બહુ જાણીતું નથી. રિપોર્ટ્સ અનુસાર, એપ પહેલા આ ફીચરને iOS પ્લેટફોર્મ પર રિલીઝ કરી શકે છે. બાદમાં તેને એન્ડ્રોઇડ અને ડેસ્કટોપ યુઝર્સ માટે રિલીઝ કરવામાં આવશે. આ ફીચર વોટ્સએપ ગ્રુપમાં ખુબ કામ આવી શકે છે. ખાસ કરીને જ્યારે લોકોએ કોઈ બાબત વિશે અભિપ્રાય બનાવવો હોય અથવા કોઈપણ વિષય પર મત આપવો હોય.

પોલ ફીચર વોટિંગનું કામ સરળ બનાવી શકે છે. સારી વાત એ છે કે WhatsAppનું આ ફીચર એન્ડ-ટુ-એન્ડ એન્ક્રિપ્ટેડ છે. જણાવી દઈએ કે આ ફીચર મેસેજિંગ એપ ટેલિગ્રામ પર પહેલાથી જ હાજર છે. વોટ્સએપ પર તેની રિલીઝની ચોક્કસ તારીખ નથી, પરંતુ એપ્લિકેશન તેને ટૂંક સમયમાં લોન્ચ કરી શકે છે.

આ પણ વાંચો---