Googleએ આ 2 એપ્સને ગણાવી જોખમકારક, સેમસંગના ફોન યૂઝ કરતાં હોય તો કરી લો આ કામ, નહીં તો....

ગૂગલ પ્લે પ્રૉટેક્ટે સેમસંગ મેસેજ અને વૉલેટ એપ્સની સમસ્યાઓ માટે સર્વરની ફેલિયૉરને જવાબદાર ગણાવી હતી

તસવીર (સોશ્યલ મીડિયા પરથી)

Google Updates With Apps: આજકાલ સ્માર્ટફોનમાં કેટલીય એપ્સ પ્રી ઇન્સ્ટૉલ્ડ હોય છે અને કેટલીક એપ્સ યૂઝર્સ પોતાની જાતે ઇન્સ્ટૉલ કરે છે, આમાંથી કેટલીક એપ્સ તમારા માટે ખતરનાક પણ સાબિત થઇ શકે છે. ગૂગલ પ્લે પ્રૉટેક્ટ એ એન્ડ્રોઇડ સ્માર્ટફોનમાં કંપની દ્વારા આપવામાં આવેલ સુરક્ષા ફિચર છે. આની મદદથી ગૂગલ પ્લે સ્ટૉર પર હાનિકારક અને જોમખકારક એપ્સને ચેક કરે છે. તાજેતરમાં જ ગૂગલ પ્લે પ્રૉટેક્ટે સેમસંગ યૂઝર્સને બે એપ વિશે ચેતવણી આપતાં કહ્યું હતું કે મેસેજીસ અને વૉલેટ એપ્સ તમારા મોબાઈલ ફોનમાંથી ડેટા ચોરી રહી છે. 

9to5Google ના અહેવાલ મુજબ, થોડા દિવસો પહેલા સેમસંગ ગેલેક્સી સ્માર્ટફોનના કેટલાક યૂઝર્સને Google ની સુરક્ષા સર્વિસ Google Play Protect તરફથી ચેતવણીઓ મળવાનું શરૂ થયું હતું કે Samsung Messages અને Wallet એપ્સ સંભવિત રીતે હાનિકારક છે અને આ એપ્સ વ્યક્તિગત ડેટા એકત્રિત કરે છે, જેમ કે SMS. મેસેજ, ફોટા, ઓડિયો રેકોર્ડિંગ અથવા કૉલ હિસ્ટ્રી પર જાસૂસી કરવાનો પ્રયાસ કરે છે.

સર્વર ફેલિયૉરને ગણાવ્યુ કારણ 
ગૂગલ પ્લે પ્રૉટેક્ટે સેમસંગ મેસેજ અને વૉલેટ એપ્સની સમસ્યાઓ માટે સર્વરની ફેલિયૉરને જવાબદાર ગણાવી હતી. જો કે હવે ગૂગલે હવે આ સમસ્યાને ઠીક કરી દીધી છે અને કૉરિયન કંપની સેમસંગે પણ પુષ્ટિ કરી છે કે સમસ્યાનું સમાધાન થઈ ગયું છે અને યૂઝર્સ કોઈપણ ચિંતા વિના સામાન્ય રીતે એપ્લિકેશન્સનો ઉપયોગ કરી શકે છે. તમને જણાવી દઈએ કે, આ બંને એપ્લીકેશન સેમસંગની પોતાની એપ્સ છે અને કંપની ગ્રાહકોની સુરક્ષાને ધ્યાનમાં રાખીને તેને ડિઝાઇન કરે છે.

હજુ પણ દેખાય છે વૉર્નિંગ તો આ કામ કરો...... 
જો તમને હજુ પણ આ બે એપ્સને લઈને Google Play Protect તરફથી ચેતવણીઓ મળી રહી છે, તો એકવાર પ્લે સ્ટૉરને રીસેટ કરો અને એપની કેશ પણ કાઢી નાખો.

એન્ડ્રોઇડ સ્માર્ટફોન પર Google Play Protect ને ક્યારેય અક્ષમ કરશો નહીં કારણ કે તે તમને સમય સમય પર હાનિકારક એપ્સ વિશે માહિતી આપતું રહે છે. જો કોઈપણ એપ તમારી પ્રાઈવસી માટે સારી નથી તો કંપની તમને તેને દૂર કરવા કહે છે. જો તમે તેને અક્ષમ કરો છો, તો તમારી ગોપનીયતા જોખમમાં આવી શકે છે. આ ઉપરાંત સમય સમય પર Google Play Protect ને એપ્સ સ્કેન કરવાની સૂચના આપતા રહો જેથી કરીને તમને અપડેટ માહિતી મળતી રહેશે.