Smartphone App: ઇન્સ્ટોલ એપથી આપનો ફોન કેટલો છે સેફ? આ ટિપ્સથી કરો ચેક
Smartphone App: આજના ડિજિટલ યુગમાં, દરેક વ્યક્તિના સ્માર્ટફોનમાં ગેમ્સ, સોશિયલ મીડિયા, બેંકિંગ, શોપિંગ અને હેલ્થ ટ્રેકિંગ માટે સેંકડો એપ્સ ઇન્સ્ટોલ કરેલી હોય છે
Smartphone App: આજના ડિજિટલ યુગમાં, દરેક વ્યક્તિના સ્માર્ટફોનમાં ગેમ્સ, સોશિયલ મીડિયા, બેંકિંગ, શોપિંગ અને હેલ્થ ટ્રેકિંગ માટે સેંકડો એપ્સ ઇન્સ્ટોલ કરેલી હોય છે. પરંતુ શું તમે ક્યારેય વિચાર્યું છે કે શું આ બધી એપ્સ સેફ છે? ઘણીવાર, આપણે એપ્સને સંપૂર્ણ રીતે તપાસ્યા વિના ડાઉનલોડ કરીએ છીએ, જે આપણા ડેટા અને ગોપનીયતા માટે ખતરો બની શકે છે. તો, ચાલો જાણીએ કે તમારા ફોન પર એપ્સની સલામતી કેવી રીતે તપાસવી.
અજાણી એપ્સથી સાવધાન રહો.
આપણે ઘણીવાર એવી વેબસાઇટ્સ અથવા લિંક્સ પરથી એપ્સ ડાઉનલોડ કરીએ છીએ જે ગૂગલ પ્લે સ્ટોર અથવા એપલ એપ સ્ટોર પર ઉપલબ્ધ નથી. આવી એપ્સમાં વાયરસ અથવા માલવેર હોઈ શકે છે જે તમારા ફોનમાંથી વ્યક્તિગત ડેટા ચોરી શકે છે. તેથી, હંમેશા વિશ્વસનીય પ્લેટફોર્મ પરથી એપ્સ ડાઉનલોડ કરવી ખૂબ જ મહત્વપૂર્ણ છે. જો કોઈ એપનો સ્ત્રોત અજાણ્યો હોય, તો તેને તાત્કાલિક અનઇન્સ્ટોલ કરો.
એપ્લિકેશન પરમિશન જરૂર ચેક કરો
જ્યારે એપ તમારા ફોન પર ઇન્સ્ટોલ કરવામાં આવે છે, ત્યારે એપ્લિકેશનો કેમેરા, માઇક્રોફોન, સંપર્કો અથવા લોકેશન ઍક્સેસ જેવી વિવિધ પરમિશન માંગે છે. જો કે, દરેક એપ્લિકેશનને આ બધી પરમિશનની જરૂર હોતી નથી. ઉદાહરણ તરીકે, કેલ્ક્યુલેટર એપ્લિકેશનને તમારા સ્થાન અથવા કેમેરાની જરૂર કેમ પડશે? તેથી, જો કોઈ એપ્લિકેશન વધુ પડતી પરમિશન માંગી રહી હોય, તો તે શંકાસ્પદ હોઈ શકે છે.
કેવી રીતે કરશો ચેક?
એન્ડ્રોઇડ યુઝર્સ સેટિંગ્સ > એપ્સ > પરમિશન પર જઈને દરેક એપની એક્સેસ ચેક કરી શકે છે.
આઇફોન યુઝર્સ સેટિંગ્સ > પ્રાઇવેસી પર જઈને એપ એક્સેસને નિયંત્રિત કરી શકે છે.
Google Play Protectથી કરો સ્કેન
જો તમે એન્ડ્રોઇડ યુઝર છો, તો તમારા ફોનમાં પહેલાથી જ ગૂગલ પ્લે પ્રોટેક્ટ ફીચર છે જે બેકગ્રાઉન્ડમાં એપ્સને સ્કેન કરતું રહે છે.
તપાસની રીત
ગૂગલ પ્લે સ્ટોર ઓપન કરો.
ઉપર જમણા ખૂણામાં પ્રોફાઇલ આઇકોન પર ટેપ કરો.
“પ્લે પ્રોટેક્ટ” પર જાઓ અને “સ્કેન” પર ક્લિક કરો.
આનાથી તમને ખબર પડશે કે, તમારા ફોન પરની કોઈપણ એપ્સ હાનિકારક છે કે નહીં.
એપ્લિકેશન રીવ્યું ચેક કરો
કોઈપણ એપ્લિકેશન ડાઉનલોડ કરતા પહેલા, તેના સમીક્ષાઓ અને ડાઉનલોડ ગણતરી તપાસવાનું ભૂલશો નહીં. જો એપ્લિકેશનના સમીક્ષાઓમાં વારંવાર "એડવેર," "માલવેર," અથવા "ડેટા ચોરી" જેવા શબ્દોનો ઉલ્લેખ હોય, તો તેને ઇન્સ્ટોલ કરવાનું ટાળો. વધુમાં, વધુ ડાઉનલોડ્સ ધરાવતી એપ્લિકેશનો સામાન્ય રીતે વિશ્વસનીય હોય છે.
તમારા ફોનના બિહેવનું ઓબ્ઝર્વેશન કરો
જો તમારો ફોન અચાનક ધીમો પડી જાય, બેટરી ઝડપથી ખતમ થઈ જાય, અથવા કોઈ દેખીતા કારણ વગર ડેટા વપરાશ વધારે હોય, તો કોઈ એપ્લિકેશન ગરબડ હોઈ શકે છે. આવી સ્થિતિમાં, ફોનના એપ App usage અથવા Battery usage ના વિભાગમાં જાઓ અને જુઓ કે કઈ એપ રિસોર્સનો અસામાન્ય ઉપયોગ કરી રહી છે.
ટોપ સ્ટોરી
ટ્રેન્ડિંગ સમાચાર
