Instagram માં હવે 24 કલાક નહી પરંતુ આટલો સમય સેટ કરી શકશો Story, આવી રહ્યું છે ફીચર
Instagram New feature: મેટા પોતાના યુઝર્સના અનુભવને સારો બનાવવા માટે તેની સોશિયલ મીડિયા એપ્સમાં ઘણી નવી સુવિધાઓ ઉમેરી રહ્યું છે
Instagram New feature: મેટા પોતાના યુઝર્સના અનુભવને સારો બનાવવા માટે તેની સોશિયલ મીડિયા એપ્સમાં ઘણી નવી સુવિધાઓ ઉમેરી રહ્યું છે. કંપની ફેસબુક, ઇન્સ્ટાગ્રામ, વોટ્સએપ સહિત તમામ એપ્સમાં સમયાંતરે અપડેટ્સ આપે છે. દરમિયાન, કંપની એક નવી સુવિધા પર કામ કરી રહી છે જે ટૂંક સમયમાં Instagram યુઝર્સ માટે ઉપલબ્ધ થશે. આ માહિતી રિવર્સ એન્જિનિયર Alessandro Paluzziએ શેર કરી છે. ટ્વિટર પર એક પોસ્ટમાં તેણે કહ્યું કે કંપની MY Week નામના ફીચર પર કામ કરી રહી છે જે આવનારા સમયમાં દરેક માટે રોલઆઉટ કરી શકાય છે.
#Instagram is working on "My Week": show your stories for 7 days 👀
— Alessandro Paluzzi (@alex193a) November 18, 2023
⭐ Keeps stories shared over the last 7 days
⭐ You can remove any story
⭐ Quietly add a story to my week only pic.twitter.com/ytcobzIKh7
MY Week ફીચર હેઠળ યુઝર્સ 24 કલાકથી વધુ સમય માટે તેમની સ્ટોરી સેટ કરી શકશે. હાલમાં Instagram યુઝર્સ ફક્ત 24 કલાક માટે સ્ટોરી શેર કરી શકે છે, પરંતુ નવા ફીચરના આવ્યા બાદ યુઝર્સ 7 દિવસ માટે એક પ્રોફાઇલ પર સ્ટોરી શેર કરી શકશે. આ સિવાય જો યુઝર્સ ઈચ્છે તો તે વચ્ચેની કોઈપણ સ્ટોરી ડીલીટ પણ કરી શકે છે અથવા નવી સ્ટોરી એડ કરી શકે છે.
શું ફાયદો થશે?
આ સુવિધાથી એવા ક્રિએટર્સને ફાયદો થશે જેઓ ટ્રાવેલ કરે છે અને તેમની સ્ટોરી લાખો લોકો સુધી પહોંચે તેવું ઈચ્છે છે. આ સિવાય ક્રિએટર્સ માટે આ ફીચરની મદદથી આવનારી ઈવેન્ટ્સ વિશે માહિતી આપવામાં સરળતા રહેશે અને તેમણે સ્ટોરીમાં કોઈ પણ પ્રોજેક્ટની રિલીઝ વિશે લોકોને વારંવાર અપડેટ કરવાની જરૂર નહીં પડે. આ ફીચર્સ ટેસ્ટિંગ ફેઝમાં છે. આવનારા સમયમાં કંપની તેને દરેક માટે રોલઆઉટ કરી શકે છે.
નોંધનીય છે કે Instagram ડઝનબંધ નવા ફીચર્સ પર કામ કરી રહ્યું છે. ટૂંક સમયમાં તમને પ્લાન ઇવેન્ટ, Nearby, સ્ટોરીઝ માટે નવી ટ્રે (People you Follow) સહિત અનેક નવા ફીચર્સ મળશે.
ઈન્સ્ટાગ્રામ પર ટૂંક સમયમાં 'રીડ રિસિપ્ટ' રૉલઆઉટ થવા જઈ રહી છે, આ ફિચર ઈન્સ્ટાગ્રામ યૂઝર્સને મળતા ડાયરેક્ટ મેસેજ પર કામ કરશે. તમને જણાવી દઈએ કે 'રીડ રિસિપ્ટ' મેસેજ દ્વારા ઈન્સ્ટાગ્રામ યૂઝર્સને કોઈને જાણ કર્યા વિના મોકલેલા મેસેજ વાંચવાની મંજૂરી આપવામાં આવશે. આ ફિચર વૉટ્સએપ પર પહેલાથી જ અવેલેબલ છે. જેમાં વૉટ્સએપ 'રીડ રિસિપ્ટ' ફિચર એક્ટિવેટ થાય ત્યારે મેસેજ વાંચવા છતાં બ્લૂ ટિક દેખાતું નથી.
ટોપ સ્ટોરી
ટ્રેન્ડિંગ સમાચાર
