સાવધાન, સ્કેમર્સ હવે iPhone 15ને બનાવી રહ્યાં છે ટાર્ગેટ, ગણતરીની મિનીટોમાં થઇ શકે છે મોટુ ફ્રૉડ, બચવા માટે આટલુ કરો......
ઈન્ડિયા પૉસ્ટે સોશ્યલ મીડિયા પર પૉસ્ટ કરેલી માહિતીમાં જણાવ્યું છે કે ઈન્ડિયા પૉસ્ટ કોઈપણ અનઓફિશિયલ પૉર્ટલ અથવા લિંક દ્વારા કોઈપણ પ્રકારની ભેટ આપી રહી નથી.
iPhone 15 Scam Alert: લાંબી રાહ જોવડાવ્યા બાદ આઇફોન લૉન્ચ થઇ ચૂક્યો છે. એપલે આ વખતે પોતાની લેટેસ્ટ આઇફોન સીરીઝ લૉન્ચ કરી દીધી છે. ગઇ 22 સપ્ટેમ્બરે ભારતમાં iPhone 15 લૉન્ચ થઇ ચૂક્યો છે. iPhone 15ને લઈને ક્રેઝ જોવા મળી રહ્યો છે. આ દરમિયાન હવે સ્કેમર્સ પણ iPhone 15 સંબંધિત છેતરપિંડીની નવી પદ્ધતિ સાથે આવ્યા છે. તમે પણ આનો શિકાર બની શકો છો. જાણો અહીં તમે કઇ રીતે આનાથી બચી શકો છો.
ઈન્ડિયા પૉસ્ટે તેના નામે ચાલી રહેલી આવી જ છેતરપિંડીની ડિટેલ્સ શેર કરી છે. ઈન્ડિયા પૉસ્ટે પોતાની પૉસ્ટમાં જણાવ્યું છે કે સ્કેમર્સ દાવો કરી રહ્યા છે કે તમે નવા iPhone 15ને 5 ગ્રુપ અને 20 ફ્રેન્ડ્સ સાથે શેર કરીને જીતી શકો છો. આ સાથે તમને એક લિંક પર ક્લિક કરવાનું કહેવામાં આવે છે, જે કિંમત જીતવાનો દાવો કરે છે.
ઇન્ડિયા પૉસ્ટે આપી ચેતાવણી
ઈન્ડિયા પૉસ્ટે સોશ્યલ મીડિયા પર પૉસ્ટ કરેલી માહિતીમાં જણાવ્યું છે કે ઈન્ડિયા પૉસ્ટ કોઈપણ અનઓફિશિયલ પૉર્ટલ અથવા લિંક દ્વારા કોઈપણ પ્રકારની ભેટ આપી રહી નથી. ઈન્ડિયા પૉસ્ટ સંબંધિત કોઈપણ માહિતી માટે ફક્ત ઓફિશિયલ વેબસાઇટની મુલાકાત લો.
કઇ રીતે ફ્રૉડ કરે છે સ્કેમર્સ
ડેઇલી ગુનેગારો છેતરપિંડી કરવા માટે નવી યુક્તિઓ અપનાવતા રહે છે, જેથી યૂઝર્સ આસાનીથી તેમની જાળમાં ફસાઈ શકે. આ એક ખૂબ જ જૂની તકનીક છે, જેનો ઉપયોગ સ્કેમર્સ દ્વારા કરવામાં આવે છે અને નવા જાળમાં ફસાયેલા યૂઝર્સને છેતરવા માટે થાય છે.
📢 Please be careful!
— India Post (@IndiaPostOffice) September 21, 2023
India Post is not giving any kind of gift through any unofficial portal or link 🚫
For any information related to India Post please follow the official website 👇🏻https://t.co/drWKt7Fa8R pic.twitter.com/IC6Nb6X0sU
ક્યારેય પણ શેર ના કરો પર્સનલ ડિટેલ્સ -
રિઝર્વ બેંક ઓફ ઈન્ડિયા પણ કહે છે કે તમારે તમારી અંગત માહિતી કોઈપણ અજાણ્યા વ્યક્તિ સાથે શેર કરવી જોઈએ નહીં. તેમજ એકાઉન્ટ સંબંધિત માહિતીને એવી જગ્યાએ અપલૉડ ના કરવી જોઈએ, જેનાથી છેતરપિંડી થઈ શકે. OTP, CVV નંબર અને એકાઉન્ટ નંબર વિશે પણ માહિતી આપવી જોઈએ નહીં.
ટોપ સ્ટોરી
ટ્રેન્ડિંગ સમાચાર
