Apple જલદી લૉન્ચ કરશે પોતાનો ફૉલ્ડેબલ iPhone, ઓનલાઇન લીક થઇ ગઇ ડિટેલ્સ

Apple Foldable iPhone: વેઇબોના લોકપ્રિય ટિપસ્ટર ડિજિટલ ચેટ સ્ટેશન અનુસાર, જ્યારે આઇફોન ફૉલ્ડ બંધ થશે, ત્યારે તેનું ડિસ્પ્લે 5.49-ઇંચ હશે, જ્યારે ખોલ્યા પછી તે 7.74-ઇંચ સુધીનું થઈ જશે

(તસવીર- એબીપી લાઇવ)

Source : એબીપી અસ્મિતા

Apple Foldable iPhone: એપલ છેલ્લા એક દાયકાથી ફૉલ્ડેબલ આઇફોન પર કામ કરી રહ્યું છે. જોકે, અત્યાર સુધી તેના લૉન્ચિંગ અંગે માત્ર અટકળો જ લગાવવામાં આવી રહી છે. પરંતુ છેલ્લા એક વર્ષમાં ઘણા લીક્સ સામે આવ્યા છે જેમાં તેના ટૂંક સમયમાં લૉન્ચ થવાની શક્યતા વ્યક્ત કરવામાં આવી રહી છે. તાજેતરના એક લીકમાં દાવો કરવામાં આવ્યો છે કે તેનું નામ iPhone 18 Fold હોઈ શકે છે અને કંપની તેને 2026 માં લૉન્ચ કરી શકે છે. એવું કહેવામાં આવી રહ્યું છે કે તેનો ડિસ્પ્લે iPhone 16 Pro Max કરતા મોટો હશે. એટલું જ નહીં, એપલ બે ફૉલ્ડેબલ ડિવાઇસ પર કામ કરી રહ્યું છે, જેમાંથી એક ફૉલ્ડેબલ આઇફોન છે અને બીજો ફૉલ્ડેબલ આઈપેડ છે.

કેવી હશે ફૉલ્ડેબલ iPhone ની ડિસ્પ્લે 
વેઇબોના લોકપ્રિય ટિપસ્ટર ડિજિટલ ચેટ સ્ટેશન અનુસાર, જ્યારે આઇફોન ફૉલ્ડ બંધ થશે, ત્યારે તેનું ડિસ્પ્લે 5.49-ઇંચ હશે, જ્યારે ખોલ્યા પછી તે 7.74-ઇંચ સુધીનું થઈ જશે. Oppo Find N5 ની તુલનામાં, iPhone થોડો પહોળો પણ નાનો હોઈ શકે છે. અગાઉ, ધ વોલ સ્ટ્રીટ જર્નલના એક અહેવાલમાં કહેવામાં આવ્યું હતું કે ફૉલ્ડેબલ આઇફોનનું ડિસ્પ્લે આઇફોન 16 પ્રો મેક્સ કરતા મોટું હશે. આઇફોન 16 પ્રો મેક્સમાં 6.9-ઇંચની ડિસ્પ્લે હોવાથી, એવું માનવામાં આવે છે કે ફૉલ્ડેબલ આઇફોનનું ડિસ્પ્લે ઓછામાં ઓછું 7-ઇંચ કે તેથી મોટું હોઈ શકે છે.

ડિઝાઇનમાં હશે ફેરફાર 
એપલ થોડા વર્ષો પહેલા આઉટવર્ડ-ફૉલ્ડિંગ ડિસ્પ્લે પર કામ કરી રહ્યું હતું, પરંતુ પાછળથી કંપનીએ તેનું ધ્યાન ઇનવર્ડ-ફૉલ્ડિંગ ડિઝાઇન પર કેન્દ્રિત કર્યું. હાલમાં, બજારમાં ઉપલબ્ધ મોટાભાગના ફૉલ્ડેબલ સ્માર્ટફોન પણ આ ઇનવર્ડ-ફૉલ્ડિંગ ડિઝાઇન સાથે આવે છે. લીકમાં એવો પણ દાવો કરવામાં આવ્યો છે કે આઇફોન ફૉલ્ડના અંદરના અને બહારના ડિસ્પ્લેનો આસ્પેક્ટ રેશિયો અત્યાર સુધીનો સૌથી અલગ હશે.

ક્યાં સુધી થઇ શકે છે એન્ટ્રી 
એપલ વિશ્લેષક મિંગ-ચી કુઓ, ધ ઇન્ફર્મેશન અને ધ વૉલ સ્ટ્રીટ જર્નલના અહેવાલો અનુસાર, એવું માનવામાં આવે છે કે આ ફૉલ્ડેબલ આઇફોન 2026 અથવા 2027 સુધીમાં બજારમાં પ્રવેશી શકે છે. આ સમય દરમિયાન ફૉલ્ડેબલ આઈપેડ લૉન્ચ થવાની શક્યતા પણ વ્યક્ત કરવામાં આવી રહી છે. જોકે, એપલ દ્વારા હજુ સુધી કોઈ સત્તાવાર પુષ્ટિ કરવામાં આવી નથી.

આ પણ વાંચો