Microsoft એ લૉન્ચ કર્યુ કૉપાયલટ+ PC, જાણો AI ફિચર્સવાળા આ લેપટૉપની કેટલી છે કિંમત ?

Microsoft Copilot Plus PC Features: ગ્રાહકોને બેસ્ટ આર્ટિફિશિયલ ઈન્ટેલિજન્સ (AI) ફિચર્સ આપવાના ઈરાદા સાથે Microsoft એ નવું Copilot + PC લૉન્ચ કર્યું છે

(તસવીર- એબીપી લાઇવ)

Microsoft Copilot Plus PC Features: ગ્રાહકોને બેસ્ટ આર્ટિફિશિયલ ઈન્ટેલિજન્સ (AI) ફિચર્સ આપવાના ઈરાદા સાથે Microsoft એ નવું Copilot + PC લૉન્ચ કર્યું છે. કંપનીના ચીફ એક્ઝિક્યૂટિવ ઓફિસર (CEO) સત્યા નડેલાએ વિન્ડોઝ પીસીની નવી વિવિધતા વિશે માહિતી આપી હતી. આ લેટેસ્ટ નવા CoPilot+ PCમાં હાર્ડવેરનો સમાવેશ થાય છે જે જનરેટિવ AI CoPilot સુવિધાઓને હેન્ડલ કરી શકે છે. તેમાં ન્યૂરલ પ્રૉસેસિંગ યૂનિટ (NPU) સાથે ચિપસેટ પણ આપવામાં આવશે.

માઇક્રોસૉફ્ટના કન્ઝ્યૂમર ચીફ માર્કેટિંગ ઓફિસર યુસુફ મેહદીએ દાવો કર્યો છે કે CoPilot+ PC એ અત્યાર સુધીનું સૌથી શક્તિશાળી કૉમ્પ્યુટર છે. તેણે કહ્યું કે કંપનીએ આ વિન્ડોઝ પીસીને શરૂઆતથી સંપૂર્ણપણે સંશોધિત કરી દીધું છે. આ PC ને ઓછામાં ઓછા 40 TOPs NPU પર્ફોર્મન્સ આપવાની જરૂર પડશે. વધુમાં, તેમાં ઓછામાં ઓછી 16GB RAM અને 256GB સ્ટોરેજ હોવી જોઈએ.

કયા કયા એઆઇ ફિચર્સ મળશે ?
આ PC માં ઘણા AI ફિચર્સ આપવામાં આવ્યા છે. તેની મદદથી ફોટોનું રેગ્યૂલેશન વધારી શકાય છે. તેમજ તમે કોઈપણ ફોટોની સ્ટોરી બનાવી શકો છો. તેમજ લાઇવ કેપ્શન, રીઅલ-ટાઇમ કેપ્શનિંગ અને 40 થી વધુ ભાષાઓમાંથી લાઇવ અને પ્રી-રેકોર્ડ કરેલા વીડિયોમાંથી અંગ્રેજીમાં અનુવાદ આ ઉપરાંત કંપની તેમાં ફોટોગ્રાફિક મેમરી ફિચર પણ આપશે, જે બધું યાદ રાખવામાં મદદ કરશે. આવી સ્થિતિમાં ઘણા યૂઝર્સને ડર છે કે આ તેમની પ્રાઈવસી માટે મોટો ખતરો બની શકે છે. જોકે, માઇક્રોસૉફ્ટે સ્પષ્ટ કર્યું છે કે આનાથી તેમની પ્રાઇવસી પર કોઇ વિપરીત અસર નહીં પડે. કંપની તેમને એ પણ નક્કી કરવાની સુવિધા આપશે કે સ્ક્રીન પર કઈ વસ્તુઓ દેખાય છે અને કઈ વસ્તુઓ તેઓ રેકોર્ડ કરવા નથી માંગતા.

પ્રી-ઓર્ડર માટે પણ ઉપલબ્ધ 
તમને જણાવી દઈએ કે પહેલું Copilot+ લેપટોપ ગઇકાલથી (21 મે) પ્રી-ઓર્ડર માટે ઉપલબ્ધ છે. તેની પ્રારંભિક કિંમત $999 (અંદાજે 83,000 રૂપિયા) છે. અને તેનું શિપિંગ 18 જૂનથી શરૂ થશે