Nokiaએ લોન્ચ કર્યા 3 સ્માર્ટ ફોન, કિંમત અને સ્પેસિફિકેશન જાણીને ચોંકી જશો
HMD ગ્લોબલે સોમવારે બાર્સેલોના, સ્પેનમાં શરૂ થયેલા મોબાઇલ વર્લ્ડ કોંગ્રેસ (MWC) 2022માં નોકિયા-બ્રાન્ડેડ ઇયરબડ્સ અને હેડફોનની તેની શ્રેણીને પણ વિસ્તારી છે.
નોકિયા ફોન બનાવતી HMD ગ્લોબલે તેની C-સિરીઝમાં Android 11 Go સાથે ત્રણ સસ્તા સ્માર્ટફોન રજૂ કર્યા છે. HMD ગ્લોબલે સોમવારે બાર્સેલોના, સ્પેનમાં શરૂ થયેલા મોબાઇલ વર્લ્ડ કોંગ્રેસ (MWC) 2022માં નોકિયા-બ્રાન્ડેડ ઇયરબડ્સ અને હેડફોનની તેની શ્રેણીને પણ વિસ્તારી છે. નોકિયા C-21 પ્લસ, નોકિયા C-21 અને નોકિયા C2 સેકન્ડ એડિશન એ ત્રણ પોસાય તેવા સ્માર્ટફોન છે.
નોકિયા C-21 પ્લસ સ્પેસિફિકેશન
નોકિયા C-21 પ્લસ 6.5-ઇંચ, Unisoc SC9863A ચિપસેટ, ડ્યુઅલ રીઅર કેમેરા, સ્પ્લેશ/ડસ્ટ રેઝિસ્ટન્સ અને માઇક્રોયુએસબી કનેક્ટર સાથે આવે છે. આ ફોન 2GB-4GB RAM, 32GB-64GB ઇન્ટર્નલ સ્ટોરેજ અને 4,000 અને 5,050mAhની બેટરી ક્ષમતા સાથે આવે છે. આમાં હેડફોન જેક અને FM રેડિયો સાથે પણ આવે છે.
નોકિયા C-21 અને નોકિયા C2-સેકન્ડની સ્પેસિફિકેશન
આ ફોનના સ્પેસિફિકેશન વિશે વાત કરીએ તો, તમને Nokia C-21માં 3,000 mAh બેટરી મળશે, જેની ચાર્જિંગ સ્પીડ માત્ર 5 W છે. બીજી તરફ, નોકિયા C-સેકન્ડ એડિશન નાના 5.7-ઇંચ ડિસ્પ્લે, 1GB-2GB રેમ, 32GB ઇન્ટરનલ સ્ટોરેજ અને 2,400mAh બેટરી સાથે આવે છે. તમામ નવા C-સિરીઝ ફોન એ તમામ 4G LTE ડીવાઈઝ છે જે Android 11 (ગો એડિશન) પર ચાલે છે.
કેટલી છે આ ત્રણ ફોનની કિંમત
મીડિયા રીપોર્ટ અનુસાર નોકિયા C-21ની કિંમત આશરે રૂ.8500 આસપાસ રહેશે, જયારે નોકિયા C-21 પ્લસની કિંમત રૂ.10,800 આસપાસ અને C2-સેકન્ડની આશરે રૂ.6500 રહેશે.
ટોપ સ્ટોરી
ટ્રેન્ડિંગ સમાચાર
