TRAI તરફથી મળી રહ્યું છે ત્રણ મહિનાનું મફત રિચાર્જ! 200 GB ડેટા સાથે અનલિમિટેડ કોલિંગ?
હવે પીઆઈબીએ સ્પષ્ટતા કરી છે કે આવા કોઈ ફ્રી રિચાર્જની જાહેરાત કરવામાં આવી નથી.
TRAI Fake Free Recharge Message: સોશિયલ મીડિયા પર હાલમાં એક મેસેજ વાયરલ થઈ રહ્યો છે. આમાં એક લિંક શેર કરવામાં આવી છે. આ મેસેજમાં એવો દાવો કરવામાં આવ્યો છે કે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) તમામ ભારતીય નાગરિકોને ફ્રી મોબાઈલ રિચાર્જ આપી રહી છે. જોકે, આ દાવો સંપૂર્ણપણે ખોટો છે. હવે પીઆઈબીએ સ્પષ્ટતા કરી છે કે આવા કોઈ ફ્રી રિચાર્જની જાહેરાત કરવામાં આવી નથી.
A message circulating with a link, allegedly from TRAI, claims to offer free mobile recharge to all Indian citizens#PIBFactCheck
— PIB Fact Check (@PIBFactCheck) November 4, 2024
❌ This message is #Fake
✅ @TRAI is not providing any free recharge
✅ Be cautious! Do not click on such links pic.twitter.com/YVQhj0STep
પીઆઈબીએ સોશિયલ મીડિયા પ્લેટફોર્મ ‘એક્સ’ પર એક પોસ્ટ શેર કરી છે અને કહ્યું છે કે આ માહિતી સંપૂર્ણપણે ખોટી છે, જેના કારણે લોકોને ગેરમાર્ગે દોરવામાં આવી રહ્યા છે. PIBની ફેક્ટ ચેક ટીમે કહ્યું કે આ લિંક છેતરપિંડીનો એક ભાગ છે અને તેના પર ક્લિક કરવાથી વ્યક્તિગત ડેટાની ચોરી થવાનું જોખમ રહેલું છે. પીઆઈબીએ કહ્યું છે કે ટ્રાઈ દ્વારા આવા કોઈ ફ્રી રિચાર્જ વિશે કોઈ માહિતી આપવામાં આવી નથી. આવી સ્થિતિમાં યુઝર્સે આ મેસેજ ફોરવર્ડ ન કરવો જોઈએ અને કોઈ પણ શંકાસ્પદ લિંક પર ક્લિક ન કરવું જોઈએ. પહેલા પણ ઘણી વખત આવા મેસેજ ફરતા થયા છે.
શું કહે છે સાયબર નિષ્ણાતો
સાયબર એક્સપર્ટ્સનું કહેવું છે કે આવા ફ્રી મેસેજને ટાંકીને સાયબર ગુનેગારો સ્કેમ કરે છે અને પર્સનલ ડેટાની ચોરી કરે છે અને બેન્ક એકાઉન્ટમાંથી પૈસા ઉપાડે છે. આવી સ્થિતિમાં લોકોએ સાવચેત રહેવાની જરૂર છે.
તમે તમારી જાતને કેવી રીતે સુરક્ષિત કરી શકો
સાયબર એક્સપર્ટ્સનું કહેવું છે કે અજાણ્યા સ્ત્રોતમાંથી મળેલી કોઈપણ લિંક પર ક્યારેય ક્લિક ન કરો. જો કોઈ મેસેજ દ્વારા લાભ આપવાનો દાવો કરે છે તો તેની સત્યતા તપાસો. સાયબર સુરક્ષા અંગે સતર્ક રહો અને આવી શંકાસ્પદ લિંક તમારા મિત્રો અને પરિવાર સાથે શેર કરશો નહીં.
WhatsApp પર આવ્યો નવો સ્કેમ, આ મેસેજથી SBI ગ્રાહકોનું ખાતુ થઇ જાય છે ખાલી, બેન્કે આપ્યું એલર્ટ
ટોપ સ્ટોરી
ટ્રેન્ડિંગ સમાચાર
