Galaxy S22 Series Launch: Samsung એ Galaxy S22 સિરીઝના ત્રણેય સ્માર્ટફોન ભારતમાં લૉન્ચ કર્યા, જાણો શું છે ફીચર્સ, કેટલી છે કિંમત
આ સેમસંગની ફ્લેગશિપ સિરીઝ છે અને આ અંતર્ગત કંપનીએ Samsung Galaxy S22, Galaxy S22+ અને Galaxy S22 Ultra લૉન્ચ કરી છે. ચાલો જાણીએ આ ફોનમાં શું ખાસ છે અને તેની કિંમત કેટલી હશે.
Samsung Galaxy S22 Series Launch in India: જો તમે સેમસંગની ગેલેક્સી સિરીઝના ફોનના દિવાના છો, તો તમારા માટે સારા સમાચાર છે. Samsung Galaxy S22 સિરીઝના ફોનની રાહ આજે પૂરી થઈ ગઈ છે. સેમસંગે તેને ભારતમાં લોન્ચ કર્યો છે. કંપનીએ 9 ફેબ્રુઆરીએ આંતરરાષ્ટ્રીય બજારમાં Samsung Galaxy S22 સિરીઝ લૉન્ચ કરી હતી. આ અંતર્ગત કંપનીએ 3 સ્માર્ટફોન લોન્ચ કર્યા હતા. આ સેમસંગની ફ્લેગશિપ સિરીઝ છે અને આ અંતર્ગત કંપનીએ Samsung Galaxy S22, Galaxy S22+ અને Galaxy S22 Ultra લૉન્ચ કરી છે. ચાલો જાણીએ આ ફોનમાં શું ખાસ છે અને તેની કિંમત કેટલી હશે.
ડિસ્પ્લે પર એક નજર
સેમસંગ ગેલેક્સી S22 સિરીઝ ડાયનેમિક AMOLED 2X ડિસ્પ્લે ધરાવે છે, જેમાં Galaxy S22, Galaxy S22+ અને Galaxy S22 Ultra અનુક્રમે 6.1-ઇંચ, 6.6-ઇંચ અને 6.8-ઇંચની સ્ક્રીન ધરાવે છે. તેને સેમસંગ એન્ડ્રોઇડ 12 બેઝ સેમસંગ વન UI 4.0 વર્ઝન સાથે રજૂ કરવામાં આવ્યું છે.
કિંમત
ભારતમાં Samsung Galaxy S22 બેઝ 8GB RAM + 256GB સ્ટોરેજ વેરિઅન્ટની કિંમત રૂ. 72,999 રાખવામાં આવી છે. 8GB + 256GB મોડલની કિંમત રૂ. 76,999 પર રાખવામાં આવી છે. જોકે, Samsung Galaxy S22+ 8GB + 128GB મોડલ રૂ. 84999થી શરૂ થાય છે અને 8GB + 256GBની કિંમત રૂપિયા 88,999 છે.
તેનાથી વિપરીત, Samsung Galaxy S22 Ultra 12GB + 256GB મોડલની શરૂઆતની કિંમત રૂ. 1,09,999છે. ફોનમાં ટોપ-ઓફ ધ લાઇન 12GB + 512GB મોડલ પણ છે જેની કિંમત રૂ. 1,18,999 છે. વૈશ્વિક સ્તરે, સેમસંગે Galaxy S22 Ultra ને 8GB + 128GB અને 12GB + 1TB વિકલ્પોમાં પ્રદર્શિત કર્યું છે જે બંનેએ ભારતમાં હજુ સુધી ડેબ્યૂ કર્યું નથી.
ત્રણ કલરમાં ઉપલબ્ધ હશે
Samsung Galaxy S22 અને Galaxy S22+ ભારતમાં લીલા, ફેન્ટમ બ્લેક અને ફેન્ટમ વ્હાઇટ કલરમાં ઉપલબ્ધ થશે, જ્યારે Galaxy S22 અલ્ટ્રા 12GB + 256GB મોડલ માટે Burgundy, Phantom Black અને Phantom Whiteમાં ડેબ્યૂ કરશે અને 12GB + 512GB મોડલ Burgundy અને Phantom Black કલરમાં ઉપલબ્ધ હશે.
ટ્રેન્ડિંગ સમાચાર
ટોપ સ્ટોરી
