WhatsApp: ઇન્ટરનેટ વિના મોકલી શકશો મોટી ફાઇલ્સ, WhatsApp પર આવી રહ્યું છે આ ફીચર

દર વખતની જેમ આ વખતે પણ નવા ફીચર્સ પર નજર રાખતી વેબસાઈટ WABetaInfoએ પોતાના રિપોર્ટમાં આ ફીચર વિશે માહિતી આપી છે

પ્રતિકાત્મક તસવીર

Source : ફોટોઃ ABP asmita

WhatsApp Latest Feature: વોટ્સએપ તેના યુઝર્સ માટે સમયાંતરે નવા ફીચર્સ રજૂ કરતું રહે છે. હવે કંપની એક ખૂબ જ કામનું ફીચર લાવી રહી છે, જે તમારા માટે ખૂબ જ ઉપયોગી સાબિત થવા જઈ રહ્યું છે. વાસ્તવમાં વોટ્સએપ એક ફાઇલ શેરિંગ ફીચર પર કામ કરી રહ્યું છે, જેના દ્વારા યુઝર્સ ઇન્ટરનેટ વિના આસપાસના લોકો સાથે મોટી ફાઇલો શેર કરી શકશે. મતલબ કે હવે યુઝર્સે ઇન્ટરનેટ પર નિર્ભર રહેવું પડશે નહી.

📝 WhatsApp beta for iOS 24.15.10.70: what's new?

WhatsApp is working on a file sharing feature with people nearby, and it will be available in a future update!https://t.co/6RsVmjOnvH pic.twitter.com/GoWg8KpbCU

— WABetaInfo (@WABetaInfo) July 19, 2024

WABetaInfo એ ફીચર વિશે માહિતી આપી હતી

દર વખતની જેમ આ વખતે પણ નવા ફીચર્સ પર નજર રાખતી વેબસાઈટ WABetaInfoએ પોતાના રિપોર્ટમાં આ ફીચર વિશે માહિતી આપી છે અને કહ્યું છે કે WhatsApp 24.15.10.70 iOS માટે બીટામાં ડેવલપ કરવામાં આવી રહ્યું છે. આ ફીચરને લઈને રિપોર્ટમાં કહેવામાં આવ્યું છે કે iPhone પર ભવિષ્યમાં અપડેટમાં People Nearby ફીચર ઉપલબ્ધ થઈ શકે છે.

આ ફીચર કેવી રીતે કામ કરશે?

WABetaInfo દ્વારા શેર કરવામાં આવેલા સ્ક્રીનશૉટમાં સ્પષ્ટપણે બતાવવામાં આવ્યું છે કે ફાઇલને iOS મિકેનિઝમમાં શેર કરવા માટે QR કોડ સ્કેન કરવાનો રહેશે. આ તે કોન્ટેક્ટ્સ અને WhatsApp એકાઉન્ટ્સ વચ્ચે ફાઇલ શેરિંગને શાનદાર બનાવવામાં મદદ કરી શકે છે. આ ફીચર એવા વિસ્તારોમાં ખૂબ જ ઉપયોગી થશે જ્યાં ઈન્ટરનેટ કનેક્ટિવિટી ઘણી ઓછી છે અને તે યુઝર્સને દૈનિક ડેટા બચાવવામાં પણ મદદ કરશે.

હાલમાં આ ફીચર ડેવલપમેન્ટના તબક્કામાં છે અને ટૂંક સમયમાં આ ફીચરને એન્ડ્રોઇડ અને iOS સુધીના પ્લેટફોર્મમાં સપોર્ટ કરી શકાશે. આ ફીચરની એક ખાસ વાત એ હશે કે આમાં તમને એન્ડ-ટુ-એન્ડ એન્ક્રિપ્શન આપવામાં આવશે. જેથી માત્ર રીસીવર જ માહિતી મેળવી શકે. જો કે આ ફીચર ક્યારે રીલિઝ કરાશે તેને લઇને કોઈ માહિતી સામે આવી નથી.