વડોદરામાં શાની વાત કરાતાં જ અમિતાભ બચ્ચનનું મોં પડી ગયું ને ચહેરા પર નારાજગીના ભાવ આવી ગયા?

આ સમારંભ દરમિયાન બિગ બી કંટાળી ગયા કેમકે એવોર્ડ સમારંભમાં બીએમએના હોદ્દેદારોએ તેમને એવોર્ડ આપતા પહેલા અને પછી લાંબા અને નિરસ ભાષણોનો મારો ચલાવ્યો હતો.

33 વર્ષના લાંબા સમય બાદ બિગ બી વડોદરાના મહેમાન બન્યા હતા, લોકોમાં ભારે ઉત્સાહ હતો, પરંતુ આ ઉત્સાહ પર પાણી ત્યારે ફરી વળ્યુ, જ્યારે બિગ બી એવોર્ડ સમારંભમાં માત્ર ૨૦ મિનીટનુ જ લેક્ચર આપ્યુ. આ લેક્ચરમાં તેમને પોતાના જીવનની જુની અને વ્યક્તિગત વાતો કરી હતી.

ઉલ્લેખનિય છે કે એબીસીએલ કોર્પોરેશન નામથી બચ્ચને એક કંપની શરૃ કરી હતી અને તેમાં ભાર ેનુકસાન થતાં બચ્ચન દેવાના ડુંગર નીચે દબાઇ ગયા હતા એટલે સ્વાભાવિક છે કે એવોર્ડ સમારંભમાં આ વાતના ઉલ્લેખથી બચ્ચન વ્યથીત થયા હતા. જે બાદ સમારંભના અંતે પણ વોટ ઓફ થેંક્સના ભાષણ વખતે પણ બચ્ચનને સ્ટેજ પર ઉભા રાખવામાં આવ્યા હતા. તેથી પણ તેઓ કંટાળ્યા હતા.

ઓલ ઇન્ડિયા મેનેજમેન્ટ એસોસિએશનના પ્રમુખ હર્ષવર્ધન નિયોટીયાએ તો બચ્ચનના આવકાર વક્તવ્યમાં ૨૦ મિનિટ સુધી બચ્ચનના જન્મથી આજ સુધીની જાણીતી વાતો જ કરી હતી અને દરમિયાન તેઓએ એબીસીએલ કોર્પોરેશનની વાતનો ઉલ્લેખ કરતા જ બચ્ચનના હાવભાવ બદલાઇ ગયા હતા.

વડોદરાઃ બૉલીવુડના બિગબી ગણાતા અમિતાભ બચ્ચેન વડોદરાની મુલાકાતે આવ્યા, આ દરમિયાન વડોદરાવાસીઓને તેમનો જોવાનો અને સાંભળવાનો લ્હાવો લીધો, જોકે એક ઘટના એવી બની જેને લઇને ખુદ અમિતાભ બચ્ચન પણ કંટાળી ગયા હતા.