ગૌતમ ગંભીરે ચોથા ટ્રાયલે પકડ્યો ફની કેચ, સેહવાગ પણ જોઈને હસી પડ્યો, જુઓ વીડિયો

કોલકત્તાઃ ઇન્ડિયન પ્રિમિયર લીગની કોલકત્તા ખાતે રમાયેલી કોલકત્તા નાઇટરાઇડર્સ અને કિંગ્સ ઇલેવન પંજાબ વચ્ચે મેચ રમાઇ હતી. આ મેચમાં પંજાબની ઇનિંગના અંતિમ બોલ પર કોલકત્તાના કેપ્ટન ગૌતમ ગંભીરે શાનદાર કેચ ઝડપતા સૌ કોઇ આશ્વર્યમાં પડી ગયા હતા. મેચ જોનારા દર્શકોને લાગતું હતું કે કેચ છૂટી જશે પરંતુ ત્રણ વખત કેચ છૂટવા છતાં ગંભીરે આ કેચ ઝડપ્યો હતો. 

સૌથી આશ્વર્યની વાત એ રહી હતી કે ગંભીરે આ ફની રીતે કેચ ઝડપતા પંજાબની ટીમના કોચ વિરેન્દ્ર સહેવાગ પણ પોતાની જાતને રોકી શક્યો નહોતો અને તે પણ હસવા લાગ્યો હતો. વાસ્તવમાં પંજાબની ઇનિંગની 20મી ઓવરના અંતિમ બોલ પર વરુણ એરોને ઓફ સ્ટંમ્પ પર શોટ લગાવ્યો હતો. ગંભીરે કેચ ઝડપવા દોડ લગાવી હતી. ગંભીરે આ કેચ ચાર વખતના ટ્રાયલ બાદ ઝડપી લીધો હતો. આ ક્ષણને સહેવાગે પણ ખૂબ એન્જોય કરી હતી.