Gujarat Rain News | રાજ્યના આ 13 જિલ્લામાં ભારે વરસાદની હવામાન વિભાગે કરી મોટી આગાહી

હવામાન વિભાગે ગુજરાતના કેટલાક વિસ્તારમાં ફરી વરસાદની આગાહી કરી છે. ખાસ કરીને આજે 13 જિલ્લામાં વરસાદ વરસી શકે છે. 13 જિલ્લા અને સંઘ પ્રદેશમાં આજે ગાજવીજ સાથે વરસાદનું હવામાન વિભાગનું અનુમાન છે. સૌરાષ્ટ્રના ચાર , મધ્ય ગુજરાતના ત્રણ, તો દક્ષિણ ગુજરાતના છ જિલ્લામાં આજે ભારે વરસાદ વરસી શકે છે.

સૌરાષ્ટ્રના જૂનાગઢ, અમરેલી, ભાવનગર અને ગીર સોમનાથમાં વરસાદનું યલો એલર્ટ જાહેર કરાયું છે  તો મધ્ય ગુજરાતના પંચમહાલ, દાહોદ અને છોટા ઉદેપુરમાં પણ વીજળીના કડાકા ભડાકા સાથે વરસાદ વરસી શકે છે. દક્ષિણ ગુજરાતના છ જિલ્લામાં આજે ભારે વરસાદનું હવામાન વિભાગે યલો એલર્ટ જાહેર કર્યું છે. સુરત, તાપી, નર્મદા, નવસારી, ડાંગ અને વલસાડમાં ભારે વરસાદ વરસી શકે છે.