રાજ્યમાં છેલ્લા બે દિવસમાં કોરોનાના કેસમાં 22 ટકાનો ઉછાળો

કોરોના વાયરસ રાજ્યની છ મહાનગર પાલિકાની ચૂંટણી પૂર્ણ થવાની જ રાહ જોઈ રહ્યો હોય તેમ જેવી ચૂંટણી પૂર્ણ થઈ કે તરત જ કોરોનાના કેસમાં સતત વધારો થવા લાગ્યો છે. રાજ્યમાં ગુરૂવારે આરોગ્ય વિભાગે જાહેર કરેલા છેલ્લા 24 કલાકના આંકડા મુજબ નવા 424 પોઝિટીવ કેસ નોંધાયા છે. જ્યારે કોરોનાની સારવાર દરમિયાન એકનું મૃત્યુ નિપજ્યુ છે. છેલ્લા બે દિવસમાં કોરોનાના કેસમાં 22 ટકાનો ઉછાળો જોવા મળ્યો. 23 ફેબ્રુઆરે રાજ્યમાં કોરોનાના કેસની સંખ્યા 348 હતી.