Vapi: મોડી રાત્રે ભંગારના ગોડાઉનમાં લાગેલી આગ અન્ય પાંચ ગોડાઉનમાં પ્રસરી

વાપીના ડુંગરી ફળિયા વિસ્તારમાં ગેરકાયદેસર ધમધમી રહેલા ગોડાઉનમાં ફરી એકવાર આગ લાગી હતી. મધરાતે લાગેલી આગકારણે સ્થાનિકોના જીવ તાળવે ચોંટયા હતા. રહેણાક વિસ્તારમાં આવેલા ગોડાઉનમાં મોટા પ્રમાણમાં કેમિકલના ખાલી ડ્રમ અને અન્ય પ્લાસ્ટિક ની ચીજ વસ્તુઓનો સંગ્રહ કરવામાં આવતો હોય છે અને આ તમામ વસ્તુઓ ભારે જ્વલનશીલ હોવાના કારણે જોતજોતામાં આગે રૌદ્ર સ્વરૂપ ધારણ કર્યું હતું. આગને કારણે એક ગોડાઉનમાં લાગેલી આગ જોતજોતામાં ચારથી પાંચ ગોડાઉનમાં ફેલાઈ હતી અને અફરાતફરીનો માહોલ સર્જાયો હતો.