Paris Olympics 2024: નીરજ ચોપડા પહોંચ્યા ફાઈનલમાં, વિનેશ ફોગાટે કર્યો કમાલ

પેરિસ ઓલિમ્પિકમાં જેવલિન થ્રોમાં નીરજ ચોપડા પહોંચ્યા ફાઈનલમાં. તો રેસલિંગમાં વિનેશ ફોગાટે પ્રી-ક્વાર્ટરમાં કર્યો પ્રવેશ

પેરિસ ઓલિમ્પિકના 11મા દિવસે નીરજ ચોપડાએ જેવલિન થ્રોની ફાઈનલમાં ક્વોલિફાય કર્યું. નીરજ ચોપડાએ 89.34 મીટરનો પ્રથમ થ્રો કર્યો હતો. નીરજનો આ સીઝનનો સર્વશ્રેષ્ઠ થ્રો હતો. નીરજના હરીફ ગ્રેનાડાના એન્ડરસન પીટર્સે 88.63 મીટર અને પાકિસ્તાનના અરશદ નદીમે 86.59 મીટર થ્રો કરીને ફાઈનલમાં ક્વોલિફાય કર્યું હતું. તો આ તરફ ભારતીય મહિલા રેસલર વિનેશ ફોગાટ પણ 50 કિલોગ્રામની સેમિફાઈનલમાં પહોંચી ગઈ છે. તેણે ક્વાર્ટર ફાઈનલમાં યુક્રેનની ઓક્સાના લિવાચને હરાવ્યું. અગાઉ પ્રી-ક્વાર્ટર ફાઈનલમાં તેણે ઓલિમ્પિક અને વર્લ્ડ ચેમ્પિયન જાપાનની યુઇ સુસાકીને 3-2થી હરાવી હતી. સુસાકી ચાર વખતની વર્લ્ડ ચેમ્પિયન અને ટોકિયો ઓલિમ્પિક ગોલ્ડ મેડલિસ્ટ છે.