Shamlaji Rain : શામળાજીમાં ધોધમાર વરસાદ, રસ્તા પર ભરાયા પાણી, જુઓ અહેવાલ
Shamlaji Rain : શામળાજીમાં ધોધમાર વરસાદ, રસ્તા પર ભરાયા પાણી, જુઓ અહેવાલ
અરવલ્લી: અરવલ્લી જિલ્લામાં સાર્વત્રિક વરસાદ વરસ્યો છે. મોડાસા, માલપુર અને શામળાજીમાં ધોધમાર વરસાદ વરસ્યો છે. મોડાસા શહેરના ડીપ વિસ્તાર, ચાર રસ્તા અને બસ સ્ટેશન વિસ્તારમાં ધોધમાર વરસાદ વરસ્યો છે. મોડાસા-શામળાજી હાઈવે પર પણ પવન સાથે વરસાદ વરસતા વિઝિબિલિટી ડાઉન થઈ હતી. વિઝિબિલિટી ડાઉન થતા ચાલકો હેડ લાઈટ ચાલુ કરીને વાહન ચલાવવા માટે મજબુર બન્યા હતા.
મંદિર તરફ જવાનો મુખ્ય રસ્તો જળબંબાકાર
યાત્રાધામ શામળાજીમાં પણ વરસાદી માહોલ જામ્યો છે. ધોધમાર વરસાદ વરસતા મંદિર તરફ જવાનો મુખ્ય રસ્તો જળબંબાકાર થયો. શામળાજી સહિત શામળપુર, અણસોલ, વાંદીયોલ સહિતના પંથકમાં પણ મેઘરાજા મન મુકીને વરસ્યા હતા. આ તરફ ભારે વરસાદથી માલપુરના રાજમાર્ગો પરથી નદીઓ વહેતી હોય તેવા દ્રશ્યો સર્જાયા. માલપુરની સાથે મોરડુંગરી, જેશીંગપુર, અંબાવા, કોયલીયામાં ધોધમાર વરસાદ વરસ્યો.
ધોધમાર વરસાદથી ગણેશ પંડાલો પણ વરસાદી પાણીમાં ભીંજાતા આયોજકોની ચિંતા વધી છે. મેઘરજમાં પણ ધોધમાર વરસાદથી આંબાવાડી રોડ, ગાયત્રી સોસાયટી, નવજીવન સોસાયટી આગળ વરસાદી પાણી ભરાયા હતા.
ટોપ સ્ટોરી
ટ્રેન્ડિંગ સમાચાર
