Gujarat New Cabinet: સ્વતંત્ર હવાલા સાથે રાજ્યકક્ષાના મંત્રી કોને બનાવવામાં આવ્યા, જુઓ ગુજરાતી ન્યૂઝ

ભૂપેન્દ્ર પટેલે ગુજરાતના નવા મુખ્યમંત્રી તરીકે કાર્યભાર સંભાળી લીધો છે અને રાજભવન ખાતે નવા મંત્રીમંડળની શપથવિધી પૂર્ણ થઇ ગઇ છે. જેમાં રાજેન્દ્ર ત્રિવેદી,  જીતુભાઈ વાઘાણી,  ઋષિકેશ પટેલ,  પૂર્ણેશ મોદી અને રાઘવજી પટેલ, કનુભાઈ દેસાઈ, કિરિટસિંહ રાણા, નરેશ પટેલ, પ્રદીપ પરમાર અને અર્જુનસિંહ ચોહાણે એક સાથે ગુજરાતીમાં શપથ લીધા હતા. આ 10 કેબિનેટ કક્ષાના મંત્રી બન્યા હતા. હર્ષ સંઘવી, જગદીશ પંચાલ, બ્રિજેશ મેરજા, જીતુ ચૌધરી અને મનીષા વકીલે એક સાથે ગુજરાતીમાં શપથ લીધા. આ પાંચેય રાજ્યકક્ષાના મંત્રી (સ્વતંત્ર હવાલો) તરીકે શપથ લીધા.

મુકેશ પટેલ, નિમિષા સુથાર, અરવિંદ રૈયાણી, કુબેર ડિંડોર અને કીર્તિસિંહ વાઘેલાએ રાજ્યકક્ષાના મંત્રી તરીકે એક સાથે ગુજરાતીમાં શપથ લીધા. ગજેન્દ્રસિંહ પરમાર, રાઘવજી મકવાણા, વિનુ મોરડિયા અને દેવાભાઈ માલમે એક સાથે ગુજરાતીમાં શપથ લીધા. આ ચારેય નેતા રાજ્યકક્ષાના મંત્રી બન્યા.