Rajkot News : માતા-પિતા માટે લાલબત્તી સમાન કિસ્સો, દોઢ વર્ષની બાળકી પ્લાસ્ટિકનો દડો ગળી જતાં મોત
Rajkot News : માતા-પિતા માટે લાલબત્તી સમાન કિસ્સો, દોઢ વર્ષની બાળકી પ્લાસ્ટિકનો દડો ગળી જતાં મોત
રાજકોટમાં માતા પિતા માટે ચેતવણી રૂપ કિસ્સો પ્રકાશમાં આવ્યો છે. દોઢ વર્ષની બાળકી પ્લાસ્ટિકની દળી ગળી જતા મોત થયું હતું. મવડી વિસ્તારમાં રહેતી પાર્થવી તેજસભાઈ ચાવડા નામની દોઢ વર્ષની માસૂમ બાળકીનું મોત થયું છે. સાતેક દિવસ પૂર્વે પોતાના ઘરે રમતી હતી ત્યારે રમતા રમતા પ્લાસ્ટીકની દડી ગળી ગઈ હતી. માસુમ બાળકીને શ્વાસ લેવામાં તકલીફ થતાં બેભાન હાલતમાં હોસ્પિટલમાં દાખલ કરાઈ હતી. જોકે બાળકીને વધુ સારવાર મળે તે પહેલા જ તેનું મોત થયું હતું.
રાજકોટમાં અતુલ બેકરીનું આઉટલેટ વિવાદમાં આવ્યું હતું. નાણાવટી ચોકમાં આવેલ અતુલ બેકરીનું આઉટલેટ વિવાદમાં આવ્યું હતું. બેકરીમાં વાસી કેક હોવાનો ગ્રાહકે વીડિયો બનાવ્યો હતો. જે સોશિયલ મીડિયા પર ખૂબ વાયરલ થઇ રહ્યો છે.
વીડિયોમાં ગ્રાહકે આરોપ લગાવ્યો હતો કે અતુલ બેકરીએ એક્સપાઈરી ડેટ વાળી કેક આપી હતી. નાણા પરત માંગ્યા તો ગેરવર્તન કર્યાનો ગ્રાહકે આરોપ લગાવ્યો હતો. વીડિયો વાયરલ થતા આરોગ્ય વિભાગની ટીમ અતુલ બેકરીના આઉટલેટ પર પહોંચી હતી અને તપાસ શરૂ કરી હતી. આઉટલેટમાં રહેલ તમામ કેક અને વસ્તુઓની ચકાસણી કરવામાં આવી હતી.
ટોપ સ્ટોરી
ટ્રેન્ડિંગ સમાચાર
