પાકિસ્તાનમાં ‘વીરે દી વેડિંગ’ પર લાગ્યો પ્રતિબંધ, જાણો શું છે કારણ

આ ફિલ્મને શશાંક ઘોષે નિર્દેશિત કરી છે અને એકતા કપૂર તથા રિયા કપૂર નિર્માતા છે. ફિલ્મમાં કરીના કપૂર, સોનમ કપૂર, સ્વરા ભાસ્કર, શિખા તલસાનિયા મુખ્ય ભૂમિકામાં છે.

એક્સપ્રેસ ટ્રિબ્યૂનના રિપોર્ટ પ્રમાણે, સેન્સર બોર્ડના તમામ સભ્યોએ સર્વસંમતિથી આ ફિલ્મ પર પ્રતિબંધ મૂકવાનો ફેંસલો કર્યો છે. ફિલ્મના વિતરકોએ પણ પાકિસ્તાનમાં આ ફિલ્મને રિલીઝ કરવા અંગે તેમની અરજી પરત લઈ લીધી છે.

ફિલ્મમાં સોનમ, કરીના અને સ્વરાના બોલ્ડ ડાયલોગ્સથી લઈ સેક્સી અવતાર ટોક ઓફ ધ ટાઉન બન્યો છે. આ બોલ્ડનેસના કારણે સેન્સર બોર્ડે એ સર્ટિફિકેટ આપ્યું છે. જોકે, સેન્સર બોર્ડના સર્ટિફિકેટને લઈ રિયા કપૂરે કહ્યું હતું કે, અમે એવી ફિલ્મ બનાવી રહ્યા છીએ, જે માટે મારા પિતા સાથે આવી શકે છે. તો સ્પષ્ટ રીતે મહિલાઓએ ફિલ્મ માટે શર્મસાર ન થવું જોઈએ.

નવી દિલ્હીઃ સોનમ કપૂર, કરીના કપૂર, સ્વરા ભાસ્કર અભિનિત ફિલ્મ વીરે દી વેડિંગ શુક્રવારે રિલીઝ થવા જઈ રહી છે. પરંતુ હવે આ ફિલ્મ પાકિસ્તાનમાં રિલીઝ નહીં થાય. રિપોર્ટ્સ પ્રમાણે પાકિસ્તાન સેન્સર બોર્ડે ફિલ્મને સર્ટિફિકેટ આપવાની ના પાડી દીધી છે. પાકિસ્તાનના સીબીએફસીએ અશ્લીલ ભાષાનો ઉલ્લેખ કરીન ફિલ્મ પર પ્રતિબંધ મૂકી દીધો છે.