રાજ્યસભાની ચૂંટણીમાં જેડીયુના છોટુભાઈ વસાવાએ કોને આપ્યો મત? જાણો શું થયો મોટો ધડાકો?

ગુજરાત જેડીયુના નેતા અંબાલાલ જાદવે સ્પષ્ટતા કરી છે કે, છોટુભાઈ વસાવાએ અહમદ પટેલને જ મત આપ્યો છે અને કે.સી. ત્યાગીને કંઈ જ ખબર નથી. તેમણે કહ્યું કે, કે.સી. ત્યાગીને આ વિશે કશુ પણ બોલવાનો અધિકાર નથી.

છોટુભાઈ વસાવાએ ભાજપને મત આપ્યો હોવાનો દાવો જેડીયુના રાષ્ટ્રીય નેતા કે.સી. ત્યાગીએ કર્યો હતો. જોકે, જેડીયુના ગુજરાત એકમે ખુલાસો કર્યો છે કે, છોટુભાઈ વસાવાએ કોંગ્રેસના અહમદ પટેલને જ મત આપ્યો છે. અમે કે.સી. ત્યાગીના નિવેદનને માનતા નથી.

અમદાવાદઃ આજે રાજ્યસભાની ગુજરાતની ત્રણ બેઠકો માટે ગાંધીનગરના સ્વર્ણિમ સંકુલ 2 ખાતે મતદાન યોજાયું હતું. આ મતદાનમાં જેડીયુના ધારાસભ્ય છોટુભાઈ વસાવાએ કોને મત આપ્યો એ અંગે ભારે સસ્પેન્સ ચાલી રહ્યું છે.