રેશ્માએ કયા મુદ્દે લીધી નીતિન પટેલની મુલાકાત? શું કરી રજૂઆત?

રેશ્મા પટેલે અગાઉ આક્ષેપ કર્યા હતા કે તેણે શહીદના પરિવાજનોને નોકરી માટે અનેક વખત મૌખિક રજૂઆત કરી હતી. આ પહેલા રેશ્માએ આક્ષેપ કર્યા હતા કે, તેની વાતને પક્ષમાં સાંભળી ન સાંભળી કરાઈ રહી છે. ત્યારે તેણે સોશિયલ મીડિયામાં પોતાની હૈયાવરાળ ઠાલવીને સીએમને પત્ર લખ્યો હતો. જે બાદ પ્રદિપસિંહ જાડેજા અને નીતિન પટેલ સાથે મુલાકાત કરીને પોતાની રજૂઆતો કરી હતી.

અમદાવાદઃ બે દિવસ પહેલા જ પાટીદાર શહીદોના પરિવારને નોકરી મુદ્દે મુખ્યમંત્રી વિજય રૂપાણીને પત્ર લખનાર રેશ્મા પટેલે ગઈ કાલે નાયબ મુખ્યમંત્રી નીતિન પટેલ અને ગૃહમંત્રી પ્રદીપસિંહ જાડેજાની મુલાકાત લીધી હતી. તેમણે આ બંનેને મળીને પાટીદાર શહીદોના પરિવારના સભ્યને નોકરી આપવા રજૂઆત કરી હતી.

રેશ્મા પટેલે નીતિન પટેલની મુલાકાત પછી મુલાકાત પછી કહ્યું હતું કે, મેં ગૃહમંત્રી અને નાયબ મુખ્યમંત્રીની મુલાકાત લઈ પાટીદાર શહીદ પરિવારના વ્યક્તિઓના રિઝ્યુમ આપ્યા છે. તેમજ સરકાર આ વિષયને પ્રાથમિકતા આપી જલ્દીમાં જલ્દી નોકરીઓ મળે એ દિશામાં આગળ કામ વધારશે એવી ખાત્રી આપી છે. મને આશા છે કે પાટીદાર સમાજના આ પડતર પ્રશ્નનો ઉકેલ આવશે.