Expo 2025: 80 પૈસામાં 1 કિમી દોડશે, કિંમત 3 લાખ રૂપિયાથી શરૂ,લોન્ચ થઈ દેશની પહેલી સોલાર કાર

First Solar Car Launched in Expo 2025: આ કારમાં સોલાર પેનલ છે, જેનો ઉપયોગ કારના સનરૂફની જગ્યાએ કરી શકાય છે. આ કારને 1 કિલોમીટર ચલાવવાનો ખર્ચ માત્ર 80 પૈસા છે.

સોલાર કાર

Source : https://evayve.com

ભારત મોબિલિટી ગ્લોબલ એક્સ્પો 2025: ઓટો ઉદ્યોગમાં એક પછી એક નવા લોન્ચ જોવા મળી રહ્યા છે. આ ક્રમમાં, પુણે સ્થિત ઇલેક્ટ્રિક વાહન સ્ટાર્ટ-અપ કંપનીએ ભારત મોબિલિટી ગ્લોબલ એક્સ્પો 2025 માં દેશની પ્રથમ સૌર ઉર્જાથી ચાલતી કાર વાયવે ઈવા (Vayve Eva) લોન્ચ કરી છે. આ કાર ૩ મીટરની છે અને તેની કિંમત ૩.૨૫ લાખ રૂપિયા છે.

આ ઇલેક્ટ્રિક કાર અંગે કંપનીનો દાવો છે કે આ કાર એક ચાર્જ પર 250 કિમી સુધી ચાલી શકે છે. વાયવે ઈવા ત્રણ વેરિઅન્ટ નોવા (Nova), સ્ટેલા (Stella ) અને વેગા (Vega) માં લોન્ચ કરવામાં આવી છે. આમાંથી, પહેલા વેરિઅન્ટની કિંમત 3.25 લાખ રૂપિયા, સ્ટેલાની કિંમત 3.99 લાખ રૂપિયા અને વેગા વેરિઅન્ટની કિંમત 4.49 લાખ રૂપિયા છે.

૧ કિલોમીટર ચલાવવાનો ખર્ચ આટલો જ છે
વાયવે ઈવા કારમાં સોલાર પેનલ આપવામાં આવી છે, જેનો ઉપયોગ કારના સનરૂફની જગ્યાએ કરી શકાય છે. આ કારને 1 કિલોમીટર ચલાવવાનો ખર્ચ માત્ર 80 પૈસા છે. આ સાથે, કંપનીએ દાવો કર્યો છે કે આ દેશની પ્રથમ સૌર ઉર્જાથી ચાલતી ઇલેક્ટ્રિક કાર છે.

ડ્રાઇવિંગ સીટને 6 રીતે ગોઠવી શકાય છે

વાયેવ ઈવા (Vayve Eva) માં આગળના ભાગમાં સિંગલ સીટ અને પાછળના ભાગમાં થોડી પહોળી સીટ છે. આ સીટ એટલી પહોળી છે કે એક પુખ્ત વયના વ્યક્તિ સાથે એક બાળક સરળતાથી બેસી શકે છે. આ ઉપરાંત, તેની ડ્રાઇવિંગ સીટને 6 રીતે ગોઠવી શકાય છે. આ સોલાર કારમાં પેનોરેમિક સનરૂફ અને રિવર્સ પાર્કિંગ કેમેરા પણ આપવામાં આવ્યા છે.

વાયવે ઈવા કારમાં આ સુવિધાઓ ઉપલબ્ધ છે
અન્ય સુવિધાઓની વાત કરીએ તો, તેમાં AC ની સાથે એપલ કાર પ્લે અને એન્ડ્રોઇડ ઓટો કનેક્ટિવિટી સિસ્ટમ છે. આ કારની લંબાઈ 3060mm, પહોળાઈ 1150mm અને ગ્રાઉન્ડ ક્લિયરન્સ 170mm છે. આ સોલાર કારના આગળના ભાગમાં ડિસ્ક બ્રેક અને પાછળના વ્હીલમાં ડ્રમ બ્રેક્સ છે. ઇલેક્ટ્રિક પાવર સ્ટીયરિંગથી સજ્જ, આ કારનો ટર્નિંગ રેડિયસ 3.9 મીટર છે. જો આપણે કારની ટોપ સ્પીડ વિશે વાત કરીએ, તો તે 70 કિમી/કલાક છે.

આ પણ વાંચો...