Mercedes-Benz EQB: મર્સિડીઝ ભારતમાં ટૂંક સમયમાં લોન્ચ કરશે પ્રથમ 7 સીટર ઈલેક્ટ્રિક SUV, જાણો શું હશે ખાસિયત

Mercedes-Benz આ વર્ષના અંતમાં EQB લોન્ચ કરશે અને તે એક વ્યવહારુ ઇલેક્ટ્રિક SUV હશે.

મર્સિડીઝ

Mercedes Electric Car: તાજેતરમાં ભારતમાં પ્રથમ સ્થાનિક રીતે એસેમ્બલ લક્ઝરી ઇલેક્ટ્રિક કાર EQS લોન્ચ કર્યા પછી, જર્મન કાર નિર્માતા હવે ભારતમાં તેની નવી ઇલેક્ટ્રિક પ્રોડક્ટ EQB લોન્ચ કરવા માટે તૈયાર છે. EQB ઈલેક્ટ્રિક લક્ઝરી SUVની ભારતમાં સ્પાય કરવામાં આવી છે અને તેના ભારતમાં ટૂંક સમયમાં લોન્ચ થવાના સંકેતો છે.

શું હશે ખાસ

EQB, GLB નું ઇલેક્ટ્રિક વર્ઝન હોવાથી, EQ પોર્ટફોલિયોને વધુ વિસ્તૃત કરે છે. EQB ભારતમાં પ્રથમ 7-સીટર લક્ઝરી ઇલેક્ટ્રિક SUV હશે. EV હોવાની સાથે, તે 7-સીટ એડજસ્ટમેન્ટ સાથે નવા સેગમેન્ટના દરવાજા ખોલશે. સ્પાય કરેલી ઈમેજીસ દર્શાવે છે કે આ SUV અનોખી છે, જ્યારે EV તરીકે EQB ખાસ ગ્રિલ સાથે GLB કરતાં થોડો અલગ દેખાવ સાથે આવે છે, અન્ય EQ શ્રેણીની કારમાં વિવિધ એલોય જોવા મળે છે. તેની ઈન્ટિરિયર ડિઝાઈન GLA જેવી જ છે, જ્યારે તેમાં ખાસ ગુણવત્તાના સ્વીચગિયર મળવાની પણ અપેક્ષા છે. આ કારની બેટરી ફ્લોર પર મૂકવામાં આવી છે. EQB ને 7-સીટર લેઆઉટ મળે છે, જેમાં બીજી હરોળની સીટો ખસેડી શકાય છે. આ સીટો સાથે 1320 લીટરની બુટ સ્પેસ આપવામાં આવી છે.

 કેટલી હશે રેંજ ?

અત્યાર સુધીમાં, EQB ના ભારતીય સંસ્કરણ વિશે કોઈ માહિતી પ્રાપ્ત થઈ નથી, પરંતુ વિશ્વભરમાં તે ડ્યુઅલ મોટર લેઆઉટ સાથે બે વેરિયન્ટ ધરાવે છે, જ્યારે તેની બેટરીનું કદ 66.5kWh છે. ભારતમાં, અમે EQB 300 લગભગ 400kmsની રેન્જ સાથે જબરદસ્ત પાવર સાથે આવવાની અપેક્ષા રાખીએ છીએ. તેની સંપૂર્ણ વિગતો બાકીના EQBના લોન્ચ સમયે જ જાણવા મળશે. Mercedes-Benz આ વર્ષના અંતમાં EQB લોન્ચ કરશે અને તે એક વ્યવહારુ ઇલેક્ટ્રિક SUV હશે. EQS તાજેતરમાં સ્થાનિક રીતે એસેમ્બલ કરવામાં આવી હતી અને તે પહેલાથી જ પર્યાપ્ત બુકિંગ સાથે સારી શરૂઆત કરી ચૂક્યું છે. મર્સિડીઝ બેન્ઝ ઈલેક્ટ્રિક વાહનોમાં પોતાનો કસ્ટમર બેઝ વધારવા માંગતી હોવાથી અન્ય ઈલેક્ટ્રિક મોડલ્સ લોન્ચ કરવાની યોજના બનાવી રહી છે.