MG Cyberster Launched In India:ભારતમાં લોન્ચ થઇ MG Cyberster, જાણો ફિચર્સ અને કિંમત
JSW MG મોટર ઇન્ડિયાએ ભારતીય બજારમાં તેની ઇલેક્ટ્રિક સ્પોર્ટ્સ કાર સાયબરસ્ટરની કિંમત જાહેર કરી છે અને જે લોકો લાંબા સમયથી આ ઇલેક્ટ્રિક સ્પોર્ટ્સ કારની રાહ જોઈ રહ્યા હતા તેમને ફક્ત 72.49 લાખ રૂપિયાની પ્રારંભિક કિંમતે તેનું પ્રી-બુકિંગ કરવાની તક મળશે.
MG Cyberster Price Booking Delivery: લાંબી રાહ જોયા પછી, JSW MG મોટર ઇન્ડિયાએ આખરે તેનું નવું ઇલેક્ટ્રિક સ્પોર્ટ્સ કન્વર્ટિબલ સાયબરસ્ટર લોન્ચ કર્યું છે. આ કાર એવા લોકો માટે છે જેઓ સસ્તી સ્પોર્ટ્સ કાર ઇચ્છે છે. કંપનીએ હાલમાં પ્રી-રિઝર્વ બુકિંગ માટે તેની શરૂઆતની કિંમત 72.49 લાખ રૂપિયા રાખી છે. આ પછી, નવી બુકિંગ કરનારાઓ માટે આ કારની કિંમત 74.99 લાખ રૂપિયા થશે. સાયબરસ્ટર તેના સ્પોર્ટી લુક, સિઝર ડોર, ઉત્તમ પ્રદર્શન અને સારી રેન્જ સાથે બજેટ પ્રીમિયમ ઇલેક્ટ્રિક કાર સેગમેન્ટમાં હલચલ મચાવી શકે છે.
સાયબરસ્ટર એ MG ના આઇકોનિક MGB રોડસ્ટરની યાદમાં ડિઝાઇન કરાયેલ એક સંપૂર્ણપણે ઇલેક્ટ્રિક બે-સીટર રોડસ્ટર છે. આ કાર ભવિષ્યવાદી ડિઝાઇન, શક્તિશાળી પ્રદર્શન અને હાઇ-ટેક સુવિધાઓ સાથે આવે છે. તેમાં ડ્યુઅલ-મોટર ઓલ-વ્હીલ ડ્રાઇવ સેટઅપ છે જે 510 bhp અને 725 Nm ટોર્ક ઉત્પન્ન કરે છે. આ કાર ફક્ત 3.2 સેકન્ડમાં 0-100 કિમી/કલાકની ગતિ પકડે છે. તેનો ડ્રેગ ગુણાંક ફક્ત 0.269 Cd છે, જે તેને વધુ એરોડાયનેમિક બનાવે છે.
MG સાયબરસ્ટરની ડિઝાઇન કેવી છે?
સાયબરસ્ટરની ડિઝાઇનમાં સુપરકાર જેવા સિજર ડોર અને સોફ્ટ-ટોપ કન્વર્ટિબલ છત છે. LED લાઇટ્સ, એક્ટિવ એરો ફીચર્સ અને અનોખી રીઅર ડિઝાઇન સાથે તેનો દેખાવ વધુ ખાસ બનાવવામાં આવ્યો છે. તેમાં 20-ઇંચના એલોય વ્હીલ્સ છે, જે પિરેલી પી-ઝીરો ટાયર સાથે આવે છે.
સાયબરસ્ટરની અંદર એક કેબિન છે જે ખાસ કરીને ડ્રાઇવર માટે ડિઝાઇન કરવામાં આવી છે. તેમાં ત્રણ સ્ક્રીન છે - 10.25-ઇંચ ટચસ્ક્રીન અને બે 7-ઇંચ ડિજિટલ ડિસ્પ્લે, જે મહત્વપૂર્ણ માહિતી દર્શાવે છે. ઇન્ટીરિયરમાં પ્રીમિયમ વેગન લેધર અને ડાયનેમિકા સ્યુડ મટિરિયલનો ઉપયોગ કરવામાં આવ્યો છે, જે તેને આરામદાયક અને સ્ટાઇલિશ બનાવે છે. કારમાં ડ્યુઅલ-ઝોન ક્લાઇમેટ કંટ્રોલ, સ્ટીયરિંગ-માઉન્ટેડ પેડલ શિફ્ટર્સ અને BOSE ની નોઇઝ-કેન્સલેશન સાઉન્ડ સિસ્ટમ પણ છે.
સાયબરસ્ટરમાં પાતળી 77kWh બેટરી છે, જે ફક્ત 110mm જાડી છે. આ બેટરી એક ચાર્જ પર લગભગ 580 કિમીની રેન્જ આપે છે (MIDC મુજબ). આ કાર ડબલ વિશબોન સસ્પેન્શન અને 50:50 Weight distribution સાથે તૈયાર કરવામાં આવી છે.
સેફ્ટી અને કલર ઓપ્શન
સલામતી વિશે વાત કરીએ તો, સાયબરસ્ટરમાં મજબૂત H-આકારનું માળખું છે, જે રોલઓવર સામે રક્ષણ પૂરું પાડે છે. તેમાં લેવલ 2 ADAS, ડ્રાઇવર મોનિટરિંગ સિસ્ટમ, બ્રેમ્બો બ્રેક્સ, ESC અને ઘણા એરબેગ્સ જેવા સેફ્ટી ફીચર્સ છે.
MG સાયબરસ્ટર ચાર અદભુત ડ્યુઅલ-ટોન રંગોમાં ઉપલબ્ધ છે. તેમાં ન્યુકલર યલોની સાથે બ્લેક રૂફ, ફ્લેયર રેડ સાથે બ્લેક રૂફ એન્ડીસ ગ્રે અને રેડ રૂફ અને મોર્ડન બેજની સાથે રેડ રૂફ સામેલ છે. આ બાધ જ કલર તેને વધુ વધુ સ્ટાઇલિશ બનાવે છે.
આ કારની કિંમતમાં 3.3kW પોર્ટેબલ ચાર્જર, 7.4kW વોલ બોક્સ ચાર્જર અને સ્ટાન્ડર્ડ હોમ ઇન્સ્ટોલેશનનો સમાવેશ થાય છે. MG કંપની પહેલી વાર ખરીદનારાઓને હાઇ-વોલ્ટેજ બેટરી પર લાઇફટાઇમ વોરંટી અને વાહન પર 3 વર્ષ અથવા અમર્યાદિત કિલોમીટર વોરંટી પણ આપી રહી છે. ઉલ્લેખનિય છે કે, બુકિંગ હવે શરૂ થઈ ગયું છે અને ગ્રાહકો દેશના 13 શહેરોમાં સ્થિત MG સિલેક્ટ એક્સપિરિયન્સ સેન્ટર્સની મુલાકાત લઈને આ કાર જોઈ અને ટેસ્ટ ડ્રાઇવ લઇ રહ્યાં છે.
ટોપ સ્ટોરી
ટ્રેન્ડિંગ સમાચાર
